മംഗളൂരു: ബെംഗളൂരുവിൽ നിന്ന് കേരളത്തിലേക്ക് കഞ്ചാവ് കടത്തുകയായിരുന്ന നാലുപേരെ ചേലൂർ ചെക്‌പോസ്റ്റിൽ വെച്ച് കൊണാജെ പോലീസ് പിടികൂടി.
ബന്തിയോട് സ്വദേശി മുഹമ്മദ് നൗഫൽ (24), മലപ്പുറം പൊന്നാനി സ്വദേശി ജംഷീർ എം (24), ഉപ്പള മംഗൽപ്പാടി സ്വദേശി മുഹമ്മദ് ബാതീഷ് (37), കാസർകോട് മുട്ടത്തൊടി സ്വദേശി മുഹമ്മദ് അഷ്‌റഫ് (42) എന്നിവരാണ് അറസ്റ്റിലായത്.
ബെംഗളൂരുവിൽ നിന്ന് ഉപ്പിനങ്ങാടി, മേൽക്കർ, ബോളിയാർ റോഡ് വഴി കേരളത്തിലേക്ക് ആൾട്ടോ കാറിൽ മയക്കുമരുന്ന് കടത്തുന്നതായി വിവരം ലഭിച്ചതിനെ തുടർന്നാണ് ഇവർ പിടിയിലായത്.
ഇവരിൽ നിന്ന് 3,19,000 രൂപ വിലമതിക്കുന്ന 32.195 കിലോ കഞ്ചാവ്, മൊബൈൽ ഫോൺ, രണ്ട് ട്രാവൽ ബാഗുകൾ, മയക്കുമരുന്ന് കയറ്റി കൊണ്ടുപോകാൻ ഉപയോഗിച്ച മൂന്ന് ലക്ഷം രൂപയുടെ ആൾട്ടോ കാർ എന്നിവ പിടിച്ചെടുത്തു.
കൊണാജെ പോലീസ് സ്റ്റേഷൻ ഇൻസ്‌പെക്ടർ പ്രകാശ് ദേവാഡിഗയുടെ നേതൃത്വത്തിൽ അസിസ്റ്റന്റ് പോലീസ് കമ്മീഷണർ ദിനകർ ഷെട്ടിയുടെ നേതൃത്വത്തിൽ എസ്‌ഐ ശരണപ്പ ഭണ്ഡാരി, ജീവനക്കാരായ ശൈലേന്ദ്ര, മുഹമ്മദ് ഷെരീഫ്, മഹേഷ്, പുരുഷോത്തം, ദീപക്, അശ്വിൻ, സുരേഷ്, അംബരീഷ്, ബരാമ ബാഡിഗർ, രേഷ്മ, സുനിത എന്നിവരാണ് ഓപ്പറേഷൻ നടത്തിയത്. എല്ലാ പ്രതികളെയും കോടതിയിൽ ഹാജരാക്കി.