പാലക്കുന്ന്(കാസർകോട്): വാഹനാപകടത്തിൽ പരിക്കേറ്റ അഞ്ചുവയസ്സുകാരന് 1.15 കോടിയിലധികം രൂപ നഷ്ടപരിഹാരം നൽകാൻ വിധി. പള്ളിക്കര പാക്കത്ത്‌ താമസിക്കുന്ന മുന്നാട് കുണ്ടംപാറ ഹൗസിൽ അജയകുമാറിന്റെയും അർച്ചനയുടെയും മകൻ അദ്വിതിന്‌ നഷ്ടപരിഹാരം നൽകാനാണ്‌ കാസർകോട് വാഹനാപകട നഷ്ടപരിഹാര ട്രിബ്യൂണൽ വിധിച്ചത്. വാഹനാപകടത്തെത്തുടർന്ന് തലയ്ക്കും കഴുത്തിനും പരിക്കേറ്റ കുട്ടി കിടപ്പിലാണ്‌. ഓറിയന്റൽ ഇൻഷുറൻസ് കമ്പനിയാണ്‌ നഷ്ടപരിഹാരത്തുക നൽകേണ്ടത്.