ഇത് താക്കീത്; ലഹരിക്കേസില്‍ അറസ്റ്റിലായവരെ അംഗത്വത്തില്‍നിന്ന് സസ്‌പെന്‍ഡ് ചെയ്ത് മഹല്ല് കമ്മിറ്റി

ലഹരി ഉപയോഗവും വില്‍പ്പനയുമായി ബന്ധപ്പെട്ട കേസുകളില്‍ അറസ്റ്റിലായ മൂന്നുപേരെയും അവരുടെ കുടുംബത്തെയും മഹല്ല് അംഗത്വത്തില്‍നിന്ന് ആറുമാസത്തേക്ക് സസ്‌പെന്‍ഡ് ചെയ്താണ് കമ്മിറ്റി ഭാരവാഹികള്‍ മുന്നറിയിപ്പ് നല്‍കിയത്. കമ്മിറ്റിക്ക് കീഴിലെ വീട്ടുകാര്‍ക്ക് സെപ്റ്റംബറില്‍ ഇതുസംബന്ധിച്ച് അറിയിപ്പ് നല്‍കിയിരുന്നു. മഹല്ല് പരിധിയില്‍ കച്ചവടം ചെയ്യുന്നവരോടുള്‍പ്പെടെ ലഹരി, മയക്കുമരുന്ന് ഇടപാടുമായി ബന്ധപ്പെട്ട് പോലീസ് കേസെടുത്താല്‍ കര്‍ശന നടപടിയുണ്ടാകുമെന്നും ഇതില്‍ പ്രതിയാകുന്നവരെയും അവരുടെ കുടുംബത്തെയും അംഗത്വത്തില്‍നിന്ന് മാറ്റിനിര്‍ത്തുമെന്നുമാണ് അവര്‍ അറിയിച്ചത്. ഇതുസംബന്ധിച്ച യോഗത്തിന്റെ തീരുമാനമടങ്ങിയ നോട്ടീസ് പള്ളിയിലെ നോട്ടീസ് ബോര്‍ഡില്‍ പതിച്ചു. ഓരോ വീട്ടിലും എത്തിക്കുകയും ചെയ്തു.