കല്ലമ്പലം : ഭർത്താവിനെയും 9 വയസായ മകളെയും ഉപേക്ഷിച്ച് ഒളിച്ചോടിയ യുവതിയെ കാമുകനോടൊപ്പം വിട്ടയച്ചു. നാവായിക്കുളം മുട്ടിയറ നിന്ന് മേനാപ്പാറ താമസമാക്കിയ വൃദ്ധ ദമ്പതികളുടെ 29 വയസുള്ള മകളാണ് 23 കാരനായ യുവാവിനൊപ്പം ഒളിച്ചോടിയത്. യുവതിയുടെ ഭർത്താവ് 5 ദിവസം മുൻപാണ് വിദേശത്ത് നിന്ന് ശബരിമലയിൽ പോകാനായി നാട്ടിലെത്തിയത്. ഭർത്താവിന്റെയും യുവതിയുടെ പിതാവിന്റെയും പരാതിയിൽ കേസെടുത്ത കല്ലമ്പലം പൊലീസ് യുവതിയുടെ താത്പര്യ പ്രകാരം കാമുകനൊപ്പം വിട്ടയയ്ക്കുകയായിരുന്നു. പണവും സ്വർണ്ണാഭരണങ്ങളുമടക്കം വൻ സാമ്പത്തിക തട്ടിപ്പ് കാമുകനുമായി ചേർന്ന് യുവതി നടത്തിയതായി ബന്ധുക്കൾ ആരോപിച്ചു.