ഉപഭോക്തൃ സൗഹൃദ ഫീച്ചറുകള്‍ അ‌വതരിപ്പിക്കുന്നവരില്‍ എപ്പോഴും ശ്രദ്ധ പുലര്‍ത്താറുള്ള വാട്സാപ്പ് ഇപ്പോള്‍ അ‌ത്തരത്തില്‍ ഒരു പുത്തന്‍ ഫീച്ചര്‍ അ‌വതരിപ്പിച്ചിരിക്കുകയാണ്.
വാട്സാപ്പ് വഴി ഇനി ഫാസ്ടാഗും റീച്ചാര്‍ജ് ചെയ്യാം. മുമ്പ് വാട്സാപ്പ് പണം കൈമാറ്റം ചെയ്യാന്‍ സൗകര്യം ഒരുക്കിയത് ഉപയോക്താക്കള്‍ക്ക് ഏറെ സഹായകമായിരുന്നു.
അതേ മാതൃകയില്‍ ഈ പുതിയ ഫാസ്ടാഗ് റീച്ചാര്‍ജ് സൗകര്യവും ഏറെ പ്രയോജനപ്രദമാണ് എന്നാണ് വിലയിരുത്തപ്പെടുന്നത്. എന്നാല്‍ നിലവില്‍ എല്ലാ ഉപഭോക്താക്കള്‍ക്കും ഈ സൗകര്യം ലഭ്യമാകില്ല. തെരഞ്ഞെടുക്കപ്പെട്ട ഉപഭോക്താക്കള്‍ക്ക്, അ‌തും ഐഡിഎഫ്സി ഫസ്റ്റ് ബാങ്കിന്റെ ഉപഭോക്താക്കള്‍ക്ക് മാത്രമാണ് ആദ്യ ഘട്ടത്തില്‍ ഈ സൗകര്യം ലഭിക്കുക. ഭാവിയില്‍ മറ്റു ബാങ്കുകളും ഈ സൗകര്യം നല്‍കിയേക്കാം.
ഫാസ്ടാഗ് റീചാര്‍ജ് ചെയ്യുന്നതിനായി ഉപഭോക്താക്കള്‍ക്ക് വാട്സാപ്പ് ക്ലോസ് ചെയ്യേണ്ട ആവശ്യം വരുന്നില്ല. മറ്റ് ആപ്പുകളെയോ ബാങ്ക് വെബ്സൈറ്റുകളെയോ ആശ്രയിക്കാതെ മൊബൈല്‍ റീചാര്‍ജ് ചെയ്യാന്‍ സാഹചര്യം ഒരുക്കിയതിനു സമാനമായാണ് ഈ സൗകര്യവും വാട്സാപ്പ് നല്‍കിയിരിക്കുന്നത്.