പിലാത്തറ: സംസ്ഥാനത്ത് രണ്ടാമത് മങ്കിപോക്സ് ബാധിച്ച പയ്യന്നൂർ സ്വദേശിയായ യുവാവിന്റെ ആരോഗ്യനില തൃപ്തികരം. ശനിയാഴ്ച രാത്രിയാണ് 31കാരനെ കണ്ണൂർ മെഡിക്കൽ കോളേജ് ആശുപത്രിയിലെ ഐസൊലേഷൻ വാർഡിൽ പ്രവേശിപ്പിച്ചു. മങ്കിപോക്സ് കണ്ടെത്തിയ ശേഷം മെഡിക്കൽ സൂപ്രണ്ട് ഡോ.കെ. സുദീപിന്‍റെ നേതൃത്വത്തിൽ മെഡിസിൻ, ഡെർമറ്റോളജി വിഭാഗങ്ങളിലെ വിദഗ്ധ ഡോക്ടർമാരെ ഉൾപ്പെടുത്തി അഞ്ചംഗ മെഡിക്കൽ ടീം രൂപീകരിച്ചു. മങ്കിപോക്സിനായി പ്രത്യേക മരുന്ന് ഒന്നും കണ്ടെത്തിയിട്ടില്ലാത്തതിനാൽ, മരുന്നുകളും ചികിത്സയും രോഗലക്ഷണങ്ങളെ അടിസ്ഥാനമാക്കിയുള്ളതാണ്. രോഗികൾക്കായി ഐസൊലേഷൻ വാർഡ് സൗകര്യം ഒരുക്കിയിട്ടുണ്ട്. യുവാവിനും കുടുംബാംഗങ്ങൾക്കുമൊപ്പം യാത്ര ചെയ്തവർ നിരീക്ഷണത്തിലാണ്.
യുവാവിന്റെ റൂട്ട് മാപ്പ് തയ്യാറാക്കി. ജൂലൈ 13ന് ഉച്ചയ്ക്ക് 12.20ന് ദുബായിൽ നിന്ന് പുറപ്പെട്ട 31കാരൻ വൈകിട്ട് 5.30ന് മംഗളൂരുവിൽ എത്തി. ആ സമയത്ത് നേരിയ പനിയും അസ്വസ്ഥതയും ഉണ്ടായിരുന്നു. അവിടെ നിന്ന് പയ്യന്നൂർ നഗരസഭാ പരിധിയിലെ വീട്ടിലേക്ക് ടാക്സിയിൽ പോകുകയായിരുന്നു. ഹസ്സൻഗുഡിയിൽ ഡ്രൈവറും യുവാവും ഒരു റെസ്റ്റോറന്‍റിൽ കയറി ചായ കുടിച്ചു. തൊലിപ്പുറത്തെ കുമിളകൾ കണ്ട് 14-ാം തീയതി രാവിലെ പയ്യന്നൂരിലെ ഒരു ഡെർമറ്റോളജിസ്റ്റിനെ കാണാൻ സ്വന്തം ബൈക്കിൽ പോയി. ഇയാളുടെ പരിശോധനയിലാണ് രോഗം സംശയിക്കുന്നത്. ഇക്കാര്യം അദ്ദേഹം ആരോഗ്യവകുപ്പ് അധികൃതരെ അറിയിച്ചു. തുടർന്ന് യുവാവിനെ കണ്ണൂർ മെഡിക്കൽ കോളേജ് ആശുപത്രിയിലെ ഐസൊലേഷൻ വാർഡിലേക്ക് മാറ്റി. പൂനെയിലെ വൈറോളജി ലാബിൽ നടത്തിയ പരിശോധനയിലാണ് ഈ വൈറസ് മങ്കിപോക്സ് ആണെന്ന് കണ്ടെത്തിയത്.