ഡച്ച് ഫുട്‌ബോള്‍ ഇതിഹാസം ക്ലാരന്‍സ് സീഡോര്‍ഫ് ഇസ്ലാം മതം സ്വീകരിച്ചു. ‘മുസ്ലിം കുടുംബത്തില്‍ ചേര്‍ന്ന എന്റെ ആഘോഷത്തിനുള്ള എല്ലാ നല്ല സന്ദേശങ്ങള്‍ക്കും നന്ദി’ എന്ന് സീഡോര്‍ഫ് ഇന്‍സ്റ്റഗ്രാമില്‍ കുറിച്ചു.
”ലോകത്തെ എല്ലാ സഹോദരീ സഹോദരന്‍മാരുമായി ചേരുന്നതില്‍ എനിക്ക് അതിയായ സന്തോഷമുണ്ട്. പ്രത്യേകിച്ച് ഇസ്‌ലാമിന്റെ അര്‍ഥം എന്നെ ആഴത്തില്‍ പഠിപ്പിച്ച എന്റെ ഭാര്യ സോഫിയ. ഞാന്‍ എന്റെ പേര് മാറ്റിയിട്ടില്ല. അത് എന്റെ മാതാപിതാക്കള്‍ നല്‍കിയതുപോലെ ക്ലാരന്‍സ് സീഡോര്‍ഫ് എന്നു തന്നെ തുടരും. ഞാന്‍ എന്റെ എല്ലാ സ്‌നേഹവും ലോകത്തെ എല്ലാവര്‍ക്കുമായി അയക്കുന്നു”സീഡോര്‍ഫ് കുറിച്ചു.45കാരനായ സീഡോര്‍ഫ് റയല്‍മാഡ്രിഡ്, ഇന്റര്‍ മിലാന്‍, എ.സി മിലാന്‍ തുടങ്ങിയ മുന്‍നിര ക്ലബുകള്‍ക്ക് വേണ്ടി ബൂട്ടണിഞ്ഞിട്ടുണ്ട്.
ഹോളണ്ട് ദേശീയ ടീമിനു വേണ്ടി 87 മത്സരങ്ങളില്‍ കളത്തിലിറങ്ങിയ സീഫോര്‍ഡ് 11 ഗോളുകളും രാജ്യത്തിനായി നേടിയിട്ടുണ്ട്.