ഭുവനേശ്വര്: രഞ്ജി ട്രോഫിയില് ചണ്ഡിഗഡിനെതിരായ മത്സരത്തില് ബറോഡ ബാറ്റര് വിഷ്ണു സോളങ്കി സെഞ്ചുറിയിലേക്ക് നീങ്ങുമ്പോള് ഒരു സങ്കടം അദ്ദേഹം നെഞ്ചിലടക്കി പിടിച്ചിട്ടുണ്ടായിരുന്നു. പിറന്നുവീണ് മണിക്കൂറുകള്ക്കുള്ളില് മരണത്തിന് കീഴടങ്ങിയ പിഞ്ചു മകളുടെ മുഖമായിരുന്നു അപ്പോഴും വിഷ്ണുവിന്റെ മനസ്സില്. മകളുടെ സംസ്കാരച്ചടങ്ങുകളില് പങ്കെടുത്ത് ദിവസങ്ങള്ക്കുള്ളിലാണ് താരം കളത്തില് തിരിച്ചെത്തിയത്.