മുംബൈ: ഇൻറർനാഷണൽ ക്രെഡിറ്റ് കാർഡ് വാഗ്ദാനം ചെയ്ത് ബിസിനസുകാരനിൽ നിന്ന് ലക്ഷങ്ങൾ തട്ടി സൈബർ തട്ടിപ്പുകാരൻ. ബാങ്ക് ഉദ്യോഗസ്ഥൻ എന്ന വ്യാജേന ഫോണിൽ സന്ദേശമയച്ചാണ് 4.20 ലക്ഷം രൂപ അക്കൗണ്ടിൽ നിന്ന് പിൻവലിച്ചത്.
സന്ദേശത്തിനൊപ്പം തട്ടിപ്പുകാരൻ ഫിഷിങ് ലിങ്കും പങ്കുവെക്കുകയായിരുന്നു. ലിങ്കിൽ ക്ലിക്ക് ചെയ്ത ബിസിനസുകാരൻ അതിൽ ആവശ്യപ്പെട്ടത് പ്രകാരം ബാങ്കിങ് വിവരങ്ങൾ ഒാരോന്നായി നൽകുകയും ചെയ്തു. പിന്നാലെ, അദ്ദേഹത്തിെൻറ അക്കൗണ്ടിൽ നിന്നും സൈബർ കുറ്റവാളി പണം പിൻവലിക്കുകയായിരുന്നു.