ഉപ്പള; സിറ്റിസൺ സ്പോർട്സ് ക്ലബ്ബ് സംഘടിപ്പിച്ച അന്തർസംസ്ഥാന സെവൻസ് ഫുട്ബാൾ ടൂർണ്ണമെന്റിൽ ആഥിതേയരായ സിറ്റിസൺ ഉപ്പളയെ പരാജയപ്പെടുത്തി വോഗ് ദുബൈ യുണൈറ്റഡ് പയ്യങ്കി ജേതാക്കളായി.
ഉപ്പള മണ്ണംകുഴിയിലെ ഗോൾഡൻ അബ്ദുൽ ഖാദർ സ്റ്റേഡിയത്തിൽ വെച്ച് നടന്ന ഫൈനൽ മത്സരത്തിൽ രണ്ടിനെതിരെ നാല് ഗോളുകൾക്കായിരുന്നു യുണൈറ്റഡ് പയ്യങ്കിയുടെ വിജയം. യുണൈറ്റഡ് പയ്യങ്കിക്ക് വേണ്ടി അനുരാഗ് രണ്ടും ആസിഫ് പ്യാരി, കെ പി രാഹുൽ എന്നിവർ ഓരോ ഗോൾ വീതവും നേടി. സിറ്റിസൺ ഉപ്പളക്കായി ജുനൈസും ഫയാസും ഓരോ ഗോൾ വീതം നേടി.
ഫൈനലിലെ മികച്ച കളിക്കാരനായി വോഗ് ദുബൈ യുണൈറ്റഡ് പയ്യങ്കിയുടെ അനുരാഗിനെ തിരഞ്ഞെടുത്തു.
ടൂർണ്ണമെന്റിലെ മികച്ച ഫോർവേഡായി സിറ്റിസൺ ഉപ്പളയുടെ ഫയാസിനെയും മികച്ച ഡിഫണ്ടറായി യുണൈറ്റഡ് പയ്യങ്കിയുടെ ആസിഫ് പ്യാരിയെയും മികച്ച ഗോൾകീപ്പറായി യുണൈറ്റഡ് പയ്യങ്കിയുടെ അൻഷിദ് ഖാനെയും പ്ലെയർ ഓഫ് ടൂർണ്ണമെന്റായി സിറ്റിസൺ ഉപ്പളയുടെ സാദിക്കിനെയും എമെർജിങ് പ്ലയറായി സിറ്റിസൺ ഉപ്പളയുടെ ഹർഷിക്കിനെയും തിരഞ്ഞെടുത്തു.