കാസർകോട്: അടുത്ത നിയമസഭ തെരഞ്ഞെടുപ്പിൽ ജില്ലയിലെ 44 ബൂത്തുകൾ നിർണായക (ക്രിറ്റിക്കൽ) പട്ടികയിൽ. 127 ആളുകളെ പ്രശ്നക്കാരായും കണ്ടെത്തിയിട്ടുണ്ട്. കഴിഞ്ഞ നിയമസഭ തെരഞ്ഞെടുപ്പിൽ 90 ശതമാനത്തിലധികം പോളിങ് രേഖപ്പെടുത്തുകയും ഒരുപാർട്ടിക്ക് മാത്രം 75 ശതമാനത്തിലേറെ വോട്ട് ലഭിക്കുകയും റീ പോളിങ് നടത്തേണ്ടിവന്നതുമായ ബൂത്തുകളാണ് ഈ ഗണത്തിൽ ഉൾപ്പെടുത്തിയിട്ടുള്ളത്. തെരഞ്ഞെടുപ്പിൽ അനാവശ്യമായ സ്വാധീനം ചെലുത്താൻ സാധ്യതയുള്ള വ്യക്തികളുള്ള 45 പ്രദേശങ്ങളും ജില്ലയിൽ ഉണ്ട്.
കുഴപ്പക്കാരായി കണ്ടെത്തിയ 127 പേരെ വിവിധ വകുപ്പുകൾ പ്രകാരം നല്ലനടപ്പിന് ശിക്ഷിക്കുമെന്ന് ജില്ല കലക്ടർ ഡോ. ഡി. സജിത് ബാബു പറഞ്ഞു. 2016ലെ തെരഞ്ഞെടുപ്പ് കമീഷെൻറ നിർദേശ പ്രകാരമാണ് ഇവർക്കെതിരെ നടപടി.