പടിഞ്ഞാറൻ ഉത്തർ പ്രദേശിലെ ബുലന്ദ്ഷഹറിൽ ഷൂസിൽ ഠാക്കൂർ എന്ന ഉയർന്ന ജാതിപ്പേരുള്ളതിന്റെ പേരിൽ മുസ്‌ലിം കച്ചവടക്കാരനെതിരെ കേസ്. വലതു പക്ഷ സംഘടനയുടെ നേതാവായ വിശാൽ ചൗഹാന്റെ പരാതിയിൽ നാസർ എന്ന ചൊവ്വാഴ്ച രാത്രി അറസ്റ്റ് ചെയ്ത് വിട്ടയച്ചു. ഇരു വിഭാഗങ്ങൾ തമ്മിൽ വിദ്വേഷം പടർത്തുക, പൊതു സമാധാനത്തിനു ഭംഗം വരുത്തുന്ന രീതിയിലുള്ള അക്രമം നടത്തുക എന്നിവയടങ്ങുന്ന 153 A , 504, 323 തുടങ്ങിയ വകുപ്പുകളാണ് ചുമത്തിയത്. അറുപത് വർഷമായി വിപണിയിലുള്ള ബ്രാന്‍ഡാണ് ഠാക്കൂര്‍ ഫുട് വെയര്‍ കമ്പനി നിര്‍മിക്കുന്ന ഠാക്കൂര്‍ ഷൂസുകൾ .
എന്നാൽ ചോദ്യം ചെയ്യലിൽ തെളിവുകളൊന്നും ലഭിക്കാത്തതിനാൽ ഇരു വിഭാഗങ്ങൾ തമ്മിൽ വിദ്വേഷം പടർത്തുക എന്ന 153 A ആം വകുപ്പ് പിൻവലിച്ചുവെന്നു അഡീഷണൽ പോലീസ് സൂപ്രണ്ട് അതുൽ കുമാർ ശ്രീവാസ്തവ പറഞ്ഞു. മറ്റു വകുപ്പുകളിൽ അന്വേഷണം പുരോഗമിക്കുകയാണെന്നും കുറ്റക്കാരനാണെന്നു കണ്ടാൽ നടപടിയെടുക്കുമെന്നും അദ്ദേഹം പറഞ്ഞു. ആവശ്യമെങ്കിൽ നാസറിനെ ഇനിയും ചോദ്യം ചെയ്യലിനായി വിളിപ്പിക്കുമെന്നും അദ്ദേഹം അറിയിച്ചു.
थाना गुलावठी क्षेत्र से संबंधित प्रकरण के संबंध में रिपोर्ट- pic.twitter.com/yGdroUHsUJ
— Bulandshahr Police (@bulandshahrpol) January 6, 2021
इस प्रकरण में वर्तमान विधि व्यवस्था के अनुसार जो सुसंगत था वह कार्यवाही की है, यदि पुलिस कार्यवाही न करती तो बहुत से लोग उल्टी/भिन्न प्रतिक्रिया देते। अतः पुलिस ने नियम का पालन किया है। कृपया इसे इसी रूप में देखें।
— Bulandshahr Police (@bulandshahrpol) January 5, 2021
അതെ സമയം ഷൂ നിർമ്മിച്ച കമ്പനിയുടെ ഉടമസ്ഥരെ ചോദ്യം ചെയ്തുവോ എന്ന ചോദ്യത്തിന് അന്വേഷണം തുടരുകയാണ് എന്ന് മാത്രമായിരുന്നു പോലീസിന്റെ മറുപടി .