ജയ്പുര്‍: അപ്രതീക്ഷിതമായി സംഭവിക്കുന്ന അപകടങ്ങള്‍ക്ക് മുന്നില്‍ മനുഷ്യന്‍ നിസഹായനായി പോകും പലപ്പോഴും. അത്തരമൊരു ഞെട്ടിക്കുന്ന അപകടത്തിന്റെ വീഡിയോ ഇപ്പോള്‍ സാമൂഹിക മാധ്യമങ്ങളില്‍ പ്രചരിക്കുകയാണ്.
പണി നടക്കുന്ന കെട്ടിടത്തിന്റെ തൂണ്‍ ഇടിഞ്ഞു വീണ് കാല്‍നടയായി സഞ്ചരിക്കുന്ന ആളുടെ ദേഹത്തേക്ക് വീഴുന്നതാണ് ദൃശ്യത്തിലുള്ളത്. കെട്ടിടത്തിന്റെ മുകളിലുള്ള തൂണാണ് ഇടിഞ്ഞു താഴെ റോഡിലൂടെ നടക്കുകയായിരുന്ന ആളുടെ ദേഹത്ത് വീണത്. രണ്ട് പേര്‍ ഒരുമിച്ച്‌ നടക്കുന്നതിനിടെയാണ് അപകടം.
തൂണ്‍ ഒരാളുടെ ദേഹത്ത് വീഴുന്നതും അയാള്‍ താഴേക്ക് പതിക്കുന്നതും ദൃശ്യങ്ങളില്‍ കാണാം. ഒപ്പമുള്ളയാള്‍ പെട്ടെന്ന് മാറിയതിനാല്‍ അപകടത്തില്‍ നിന്ന് രക്ഷപ്പെടുന്നതും ദൃശ്യങ്ങളിലുണ്ട്. അപകടത്തിന് പിന്നാലെ ആളുകള്‍ തടിച്ചുകൂടി ഇയാളെ എഴുന്നേല്‍പ്പിക്കാന്‍ ശ്രമിക്കുന്നുണ്ട്. എന്നാല്‍ ഇയാള്‍ വീണ്ടും നിലത്തേക്ക് വീഴുന്നതും ദൃശ്യങ്ങളിലുണ്ട്.
രാജസ്ഥാനിലാണ് സംഭവം. ഭരത്പുര്‍ മാര്‍ക്കറ്റിലെ പണി നടക്കുന്ന കെട്ടിടത്തിന് സമീപമാണ് ഞെട്ടിക്കുന്ന അപകടം. സംഭവത്തിന്റെ കൂടുതല്‍ വിവരങ്ങള്‍ പുറത്തു വന്നിട്ടില്ല.
#WATCH | An under-construction pillar in a market in Rajasthan's Bharatpur, collapses on a pedestrian passing by from below (16.12.2020) pic.twitter.com/N4knEBRU65
— ANI (@ANI) December 17, 2020