ബന്തിയോട് (www.mediavisionnews.in) : പച്ചമ്പളയില്‍ വന്‍ മണല്‍ വേട്ട. സ്വകാര്യ വ്യക്തിയുടെ പറമ്പില്‍ കൂട്ടിയിട്ട 13 ടിപ്പര്‍ ലോറി മണല്‍ തഹസില്‍ദാറും സംഘവും പിടികൂടി. പച്ചമ്പളയില്‍ ഒരു സ്വകാര്യ വ്യക്തിയുടെ പറമ്പില്‍ അനധികൃതമായി കൂട്ടിയിട്ട മണലാണ് പിടിച്ചെടുത്തത്. മഞ്ചേശ്വരം തഹസില്‍ദാര്‍ പി.ജെ. ആന്റോക്ക് കിട്ടിയ രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. മണല്‍ പിന്നീട് കുബണൂര്‍ വിലേജ് ഓഫീസര്‍ക്ക് കൈമാറി.
അനധികൃതമായി മണല്‍ സൂക്ഷിച്ചതിന് സ്വകാര്യ വ്യക്തിക്കെതിരെ കേസെടുക്കും. അനധികൃതമായി പ്രവര്‍ത്തിക്കുന്ന കടവുകള്‍ക്കെതിരെ അടുത്ത ദിവസങ്ങളില്‍ കര്‍ശന നടപടിയെടുക്കുമെന്ന് തഹസില്‍ദാര്‍ പറഞ്ഞു.