അബുദാബി (www.mediavisionnews.in) : കോവിഡ് നിയന്ത്രണങ്ങളില്‍ ഇളവ് വന്നതോടെ ദുബായിലെ റോഡുകളില്‍ തിരക്കേറുന്നു. പല ഓഫിസുകളും പൂര്‍ണതോതില്‍ പ്രവര്‍ത്തനമാരംഭിച്ചതോടെ പ്രധാന പാതകളിലടക്കം വന്‍ ഗതാഗതക്കുരുക്കാണ് അനുഭവപ്പെടുന്നത്. ഇതിന്റെ പശ്ചാത്തലത്തില്‍ നിര്‍ദേശങ്ങളുമായി പൊലീസ് രംഗത്ത് വന്നു.
യാത്രക്കാര്‍ ഇലക്ട്രോണിക് ബോര്‍ഡുകളിലെ അറിയിപ്പുകള്‍ ശ്രദ്ധിക്കുകയും തിരക്കു കുറഞ്ഞ പാതകള്‍ തിരഞ്ഞെടുക്കുകയും വേണമെന്നു പൊലീസ് നിര്‍ദേശിച്ചു. പല മേഖലകളിലും മണിക്കൂറുകളോളം ഇഴഞ്ഞാണു വാഹനങ്ങള്‍ നീങ്ങുന്നത്.
ഷാര്‍ജ-ദുബായ് റോഡുകളില്‍ രാവിലെയും വൈകിട്ടും വന്‍തിരക്ക് അനുഭവപ്പെട്ടു. ഷെയ്ഖ് സായിദ് റോഡ്, ഷെയ്ഖ് മുഹമ്മദ് ബിന്‍ സായിദ് റോഡ് എന്നിവിടങ്ങളിലും ഉപപാതകളിലും തിരക്കനുഭവപ്പെട്ടു.