ഉപ്പള (www.mediavisionnews.in): ഉപ്പളയില്‍ ഇടിമിന്നലേറ്റ് സര്‍വ്വീസ് സ്റ്റേഷന്‍ കത്തി നശിച്ചു. 15 ലക്ഷം രൂപയുടെ നഷ്ടം കണക്കാക്കുന്നു. ഉപ്പള ഗേറ്റിന് സമീപത്തെ സൂഫിയാന്‍ അഹ്മദിന്റെ ഉടമസ്ഥതയിലുള്ള ദി മെക്കാനിക്ക് സര്‍വ്വീസ് സ്റ്റേഷനിലാണ് തീപിടുത്തമുണ്ടായത്. ഇന്ന് പുലര്‍ച്ചെ 5മണിയോടെയാണ് സംഭവം. ഈ സമയത്ത് ഈ ഭാഗത്ത് ഇടിമിന്നല്‍ ഉണ്ടായിരുന്നു. സര്‍വ്വീസ് സ്റ്റേഷനിലെ വൈദ്യുതി ഉപകരണത്തിന് മിന്നലേറ്റ് ഷോര്‍ട്ട് സര്‍ക്യൂട്ട് ഉണ്ടായതാണ് തീപിടിക്കാന്‍ കാരണമെന്ന് സംശയിക്കുന്നു.
കംപ്രസര്‍, എ.സി., ഉടമയുടെ കാറിന്റെ ഒരു ഭാഗം, വൈദ്യുതി ഉപകരണങ്ങള്‍ തുടങ്ങിയവ കത്തി നശിച്ചു. 15 ലക്ഷം രൂപയുടെ നഷ്ടം കണക്കാക്കുന്നതായി സൂഫിയാന്‍ അഹ്മദ് മഞ്ചേശ്വരം പൊലീസില്‍ നല്‍കിയ പരാതിയില്‍ പറയുന്നു. ഉപ്പള ഫയര്‍ഫോഴ്‌സാണ് തീ അണച്ചത്.
Home Local News ഉപ്പളയില്‍ ഇടിമിന്നലേറ്റ് സര്‍വ്വീസ് സ്റ്റേഷന്‍ കത്തി നശിച്ചു; 15 ലക്ഷം രൂപയുടെ നഷ്ടം