(www.mediavisionnews.in) കുട്ടികൾക്കൊപ്പം ക്രിക്കറ്റ് കളിക്കുന്ന നായ. വിക്കറ്റ് കീപ്പറുടെ റോളിൽ സ്റ്റംപിന് പിന്നിലായാണ് നിൽപ്പ്. 44 സെക്കന്‍ഡ് മാത്രം നീണ്ടുനില്‍ക്കുന്ന ഈ വീഡിയോ മനുഷ്യരും നായയും തമ്മിലുളള ഇഴയടുപ്പം വ്യക്തമാക്കുന്നതാണ്. ക്രിക്കറ്റ് കളിക്കുന്ന സ്ഥലമാണ് പശ്ചാത്തലം. ഒരു പെണ്‍കുട്ടി ബാറ്റ് കയ്യിലേന്തി നില്‍ക്കുകയാണ്. വിക്കറ്റിന് പിന്നില്‍ കീപ്പറായി നില്‍ക്കുന്ന നായയാണ് ഏവരെയും ആകര്‍ഷിക്കുന്നത്. അപ്പുറത്ത് ബൗളിങ് എന്‍ഡില്‍ നിന്ന് ഒരു പയ്യന്‍ പന്ത് എറിയുന്നതും ദൃശ്യങ്ങളില്‍ കാണാം.
ഓരോ പന്തും വീശി അടിക്കുന്നതിന് അനുസരിച്ച് പന്തിന്റെ പിന്നാലെ ഓടുകയാണ് നായ. പന്ത് കടിച്ചെടുത്ത് ബൗളര്‍ക്ക് തിരികെനല്‍കി നിമിഷങ്ങള്‍ക്കകം അടുത്ത പന്തിനായി വിക്കറ്റിന് പിന്നില്‍ നില്‍ക്കുന്നതും ദൃശ്യങ്ങളില്‍ വ്യക്തമാണ്. വളരെ ജാഗത്രയോടെ നില്‍ക്കുന്ന നായയുടെ ദൃശ്യങ്ങളാണ് സോഷ്യല്‍മീഡിയ ഏറ്റെടുത്തിരിക്കുന്നത്.