മംഗളൂരു: (www.mediavisionnews.in) പ്രായപൂർത്തിയാവാത്ത വിദ്യാർഥിനിയെ തട്ടിക്കൊണ്ടുപോയെന്ന പരാതിയിൽ മലയാളി വിദ്യാർഥി പോക്സോ നിയമപ്രകാരം അറസ്റ്റിൽ. മംഗളൂരുവിലെ സ്വകാര്യ കോളേജ് വിദ്യാർഥിയായ ഉപ്പള സ്വദേശി മല്ലേഷാ(19)ണ് അറസ്റ്റിലായത്.
നഗരത്തിലെ കോളേജിലെ വിദ്യാർഥിനിയായ പതിനേഴുകാരി മല്ലേഷിനൊപ്പം സ്വമേധയാ പോവുകയായിരുന്നു. വീട്ടിൽ എത്താത്തതിനെത്തുടർന്ന് വിദ്യാർഥിനിയുടെ രക്ഷിതാക്കൾ പോലീസിൽ പരാതി നൽകി. തുടർന്ന് ഉർവ പോലീസ് നടത്തിയ അന്വേഷണത്തിൽ ഇരുവരെയും കണ്ടെത്തി സ്റ്റേഷനിലെത്തിച്ചു. പെൺകുട്ടിക്ക് പ്രായപൂർത്തിയാകാത്തതിനാൽ മല്ലേഷിനെ തട്ടിക്കൊണ്ടുപോകൽ, പോക്സോ എന്നീ നിയമപ്രകാരം വിവിധ വകുപ്പുകൾ ചുമത്തി അറസ്റ്റുചെയ്യുകയായിരുന്നു.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.