മിഡ്‌നാപൂര്‍ (www.mediavisionnews.in):സവാളയ്ക്ക് വില കുതിച്ചുയരുന്നതോടെ പണത്തിന് പകരം കള്ളന്മാര്‍ സവാള മോഷണം തുടങ്ങി. ബംഗാളിലെ മിഡ്‌നാപൂര്‍ ജില്ലയിലെ കടയില്‍ നിന്ന് കള്ളന്മാര്‍ ചാക്കു കണക്കിന് സവാളയാണ് കഴിഞ്ഞ ദിവസം കടത്തിയത്.
രാവിലെ കട തുറക്കാന്‍ എത്തിയപ്പോള്‍ കടയുടമ അക്ഷയ് ദാസ് സവാള മോഷണം പോയത് അറിയുന്നത്. ഏകദേശം 50,000 രൂപയോളം വില വരുന്ന സവാളയാണ് തനിക്ക് നഷ്ടപ്പെട്ടതെന്ന് അക്ഷയ് ദാസ് പറയുന്നു. സവാളയ്ക്ക് പുറമേ വെളുത്തുള്ളിയും ഇഞ്ചിയും മോഷണം പോയിട്ടുണ്ട്. എന്നാല്‍ കാശുപ്പെട്ടിയില്‍ നിന്ന് ഒരു രൂപ പോലും മോഷ്ടാക്കള്‍ എടുത്തിട്ടില്ലെന്നും അക്ഷയ് ദാസ് പറയുന്നു.
രാജ്യത്ത് സവാളയ്ക്ക് ദിനംപ്രതി വില വര്‍ധിച്ചുകൊണ്ടിരിക്കുമ്പോള്‍ ബംഗാളില്‍ സവാള വില 100 കടന്ന സാഹചര്യത്തിലാണ് മോഷണം. കേരളത്തില്‍ കഴിഞ്ഞ ദിവസം സവാളയുടെ വില 110 വരെ എത്തി.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക