ന്യൂഡല്‍ഹി : (www.mediavisionnews.in) ബാബരി ഭൂമി കേസില്‍ സുപ്രീംകോടതി വിധി പ്രഖ്യാപിക്കുന്ന സാഹചര്യത്തില്‍ പല വാട്സ് ആപ് ഗ്രൂപ്പുകളും അഡ്മിന്‍ ഒാണ്‍ലി മോഡിലേക്ക് മാറുന്നു. ഗ്രൂപ്പുകളിലെ അഡ്മിന്‍മാര്‍ക്ക് മാത്രം മെസേജ് അയക്കാവുന്ന രീതിയിലേക്കാണ് ഗ്രൂപ്പുകള്‍ മാറിയത്. ഇതുമായി ബന്ധപ്പെട്ട് സര്‍ക്കാര്‍ ഏജന്‍സികള്‍ നിര്‍ദേശമൊന്നും നല്‍കിയിട്ടില്ലെങ്കിലും സ്വമേധയ പല അഡ്മിന്‍മാരും ഗ്രൂപ്പുകളെ അഡ്മിന്‍ ഒണ്‍ലി മോഡിലേക്ക് മാറ്റുകയായിരുന്നു.
ബാബരി കേസില്‍ വിധി പുറത്തു വരുന്ന സാഹചര്യത്തില്‍ സാമൂഹിക മാധ്യമങ്ങളിലൂടെ വിദ്വേഷ പ്രചാരണം നടത്തിയാല്‍ കര്‍ശന നടപടിയുണ്ടാകുമെന്ന് സുരക്ഷാ ഏജന്‍സികള്‍ വ്യക്തമാക്കിയിരുന്നു. ഗ്രൂപ്പുകളില്‍ വരുന്ന മെസേജുകള്‍ക്ക് അഡ്മിന്‍മാരായിരിക്കും ഉത്തരവാദികളെന്നും പല സംസ്ഥാനങ്ങളിലേയും സുരക്ഷാ ഏജന്‍സികള്‍ അറിയിച്ചിരുന്നു. ഇതിന് പിന്നാലെയാണ് പല വാട്സ് ആപ് ഗ്രൂപ്പുകളും അഡ്മിന്‍ ഓണ്‍ലി രീതിയിലേക്ക് മാറിയത്.
അതേസമയം, വിധിക്ക് മുന്നോടിയായി രാജ്യമെങ്ങും സുരക്ഷ കര്‍ശനമാക്കിയിട്ടുണ്ട്. എല്ലാ സംസ്ഥാനങ്ങള്‍ക്കും കേന്ദ്രസര്‍ക്കാര്‍ ജാഗ്രത നിര്‍ദേശം നല്‍കിയിട്ടുണ്ട്.
മീഡിയവിഷൻ ന്യൂസിൽ വാർത്തകൾക്കും പരസ്യങ്ങൾക്കും 9895046567 എന്ന നമ്പറിൽ ബന്ധപ്പെടുക.