ന്യൂഡൽഹി (www.mediavisionnews.in): ദേശീയപാതാ വികസനത്തിൽ കേരളത്തെ മുൻഗണനാ പട്ടികയിൽനിന്നു മാറ്റി പുറത്തിറക്കിയ വിജ്ഞാപനം റദ്ദാക്കിയിട്ടില്ലെന്ന് മന്ത്രി ജി. സുധാകരൻ. വിവാദ ഉത്തരവ് കേന്ദ്രം റദ്ദാക്കിയിട്ടില്ലെന്നും കേന്ദ്രം പുറപ്പെടുവിച്ച ഭേദഗതി ഉത്തരവ് അവ്യക്തമാണെന്നും മന്ത്രി പറഞ്ഞു.
വിവാദ ഉത്തരവ് കേന്ദ്രം റദ്ദാക്കിയിട്ടില്ല. ഇതു സംബന്ധിച്ച് കേന്ദ്രം പുറപ്പെടുവിച്ച ഭേദഗതി ഉത്തരവ് അവ്യക്തമാണ്. കേരളത്തെ ദേശീയപാത വികസനത്തിന്‍റെ മുൻഗണനാ പട്ടികയിൽ ഉൾപ്പെടുത്തിയിട്ടില്ല. ഇക്കാര്യം ചൂണ്ടിക്കാട്ടി മന്ത്രി ദേശീയപാത അഥോറിറ്റി ചെയർമാനും കേന്ദ്ര ഉപരിതല ഗതാഗത മന്ത്രി നിതിൻ ഗഡ്കരിക്കും കത്തയച്ചിട്ടുണ്ടെന്ന് മന്ത്രി അറിയിച്ചു.
കേരളത്തെ മുൻഗണനാ പട്ടികയിൽ നിന്നു മാറ്റി പുറത്തിറക്കിയ വിജ്ഞാപനം റദ്ദാക്കിയതായി ഗഡ്കരി കഴിഞ്ഞ ദിവസം അറിയിച്ചിരുന്നു. കേരളത്തോടു കേന്ദ്രം വിവേചനം കാട്ടിയെന്ന സംസ്ഥാന സർക്കാരിന്‍റെ ആരോപണം അടിസ്ഥാനരഹിതമാണെന്നും പഴയ വിജ്ഞാപനം പ്രാബല്യത്തിലാക്കി ഉടൻ ഉത്തരവ് പുറപ്പെടുവിക്കുമെന്നും അദ്ദേഹം പറഞ്ഞു.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ.