ഉപ്പള(www.mediavisionnews.in): സിറ്റിസണ്‍ സ്പോര്‍ട്സ് ക്ലബ് ഉപ്പള സംഘടിപ്പിക്കുന്ന സിറ്റിസണ്‍ ട്രോഫി 2019 സെവന്‍സ് ഫുട്ബോള്‍ ടൂര്‍ണമെന്‍റിന് ഇന്ന് തുടക്കം കുറിക്കും. ടൂര്‍ണമെന്‍റില്‍ മിറാക്കിള്‍ കമ്പാര്‍, മൊഗ്രാല്‍ ബ്രദര്‍സ്, മാസ്ക്ക് ഉള്ളാള്‍, പുത്തൂരിയന്‍സ്, കവാലി സിറ്റിസണ്‍ ഉപ്പള, ആഷ് ഉള്ളാള്‍, യുണൈറ്റഡ് പട്ട്ള, സിറ്റിസണ്‍ ഉപ്പള എന്നീ ടീമുകള്‍ മാറ്റുരക്കും. ടൂര്‍ണമെന്‍റില്‍ നിരവധി ജില്ലാ-സംസ്ഥാന താരങ്ങള്‍ വിവിധ ടീമുകള്‍ക്കായി ബൂട്ടണിയും.
ഉപ്പള മണ്ണംകുഴിയിലെ ഗോള്‍ഡന്‍ അബ്ദുല്‍ ഖാദര്‍ സ്റ്റേഡിയത്തില്‍ അരങ്ങേറുന്ന ടൂര്‍ണമെന്‍റിന്‍റെ ഉദ്ഘാടന ദിവസമായ ഇന്ന് നടക്കുന്ന മത്സരത്തില്‍ കവാലി സിറ്റിസണ്‍ ഉപ്പള മൊഗ്രാല്‍ ബ്രദര്‍സ് മൊഗ്രാലുമായി ഏറ്റുമുട്ടും. മത്സരം വൈകിട്ട് അഞ്ചിന് ആരംഭിക്കും.