ഉപ്പള(www.mediavisionnews.in): ഹൊസങ്കടി ചെക്ക്‌പോസ്റ്റിൽ കാറിടിച്ച് കാൽനട യാത്രക്കാരൻ മരിച്ചു. മഞ്ചേശ്വരം ബഡാജെ സ്വദേശി ബാബു ഷെട്ടി(60)യാണ് മരിച്ചത്. വെള്ളിയാഴ്ച രാത്രി 9 മണിയോടെയാണ് അപകടം. ഉപ്പള ഭാഗത്ത് നിന്നും മംഗളൂരുവിലേക്ക് പോവുകയായിരുന്ന കാർ ബാബു ഷെട്ടിയെ ഇടിക്കുകയായിരുന്നു.
ഗുരുതരമായി പരിക്കേറ്റ ബാബു ഷെട്ടിയെ ഉടന്‍ തന്നെ ഉപ്പളയിലെ ആശുപത്രിയില്‍ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു. മൃതദേഹം മംഗൽപ്പാടി താലൂക് ആശുപത്രിയിലേക് മാറ്റി.