മഞ്ചേശ്വരം(www.mediavisionnews.in): പാർലമെന്റ് മണ്ഡലം യു.ഡി.എഫ്. സ്ഥാനാർഥി രാജ്‌മോഹൻ ഉണ്ണിത്താൻ ശനിയാഴ്ച മഞ്ചേശ്വരം നിയോജക മണ്ഡലത്തലിൽ വോട്ടഭ്യർഥിച്ചു. പുത്തിഗെ പഞ്ചായത്തിലെ കട്ടത്തട്ക്കയിലാണ് ആരംഭിച്ചത്.
യു.ഡി.എഫ്. നിയോജക മണ്ഡലം ചെയർമാർ ടി.എ.മൂസ പര്യടനം ഉദ്ഘാടനംചെയ്തു. തുടർന്ന് പൊന്നങ്കളം, പഡലടുക്ക, മുങ്ങിത്തടുക്ക, ബൻപത്തടുക്ക, ഉക്കിനടുക്ക, കാജംപാടി, സൊർഗ, പെർലത്തട്ക്ക, ചൗരിക്കാട്, നെൽക്ക, ഷേണി, കണ്ടൽ മണിയംപാറ, ബാഡൂർ, അൻഗഡി മുഗർ തുടങ്ങിയ സ്ഥലങ്ങളിലെ സ്വീകരണങ്ങൾ ഏറ്റുവാങ്ങി.
ശേഷം ഉപ്പള ഗെയ്റ്റിൽനിന്ന് ആരംഭിച്ച റോഡ് ഷോ ഹിദായത്ത് നഗർ, ഉപ്പള, കൈകമ്പ, നയാബസാർ, ജനപ്രിയ, മള്ളങ്കൈ, ബന്തിയോട്, മുട്ടം, ഒളയം, എന്നിവിടങ്ങളിലൂടെ സഞ്ചരിച്ച് മണ്ണംകുഴിയിൽ സമാപിച്ചു.
യു.ഡി.എഫ്. നേതാക്കളായ സുബ്ബയ്യ റൈ, എം.സി.ഖമറുദ്ദീൻ, ടി.എ.മൂസ, മഞ്ജുനാഥ് ആൽവ, എ.അബ്ദുൾ റഹ്‌മാൻ, പി.എ.അഷ്‌റഫ് ആലി, കല്ലട്ര മാഹിൻ ഹാജി, അർഷാദ് വോർക്കാടി, മുനീർ ഹാജി, എം.അബ്ബാസ്, എ.കെ.എം.അഷ്‌റഫ്, സോമശേഖര, സുന്ദര ആരിക്കാടി, നോയൽ ടോമിൻ ജോസഫ് എന്നിവർ ഒപ്പമുണ്ടായിരുന്നു.