കുമ്പള(www.mediavisionnews.in): ബൈക്കിൽ കടത്തുകയായിരുന്ന 150 ഗ്രാം കഞ്ചാവുമായി യുവാവിനെ എക്‌സൈസ് അധികൃതർ അറസ്റ്റ് ചെയ്തു. ഉപ്പള സന്തടുക്കയിലെ മുനീർ എന്ന അബ്ദുൽ റഹ്‌മാ(42)നെയാണ് എക്‌സൈസ് ഓഫിസർ വി.വി പ്രസന്നകുമാറിന്റെ നേതൃത്വത്തിൽ ബന്തിയോട് ദേശിയ പാതയിൽ വെച്ച് അറസ്റ്റ് ചെയ്തത്. ഉപ്പള ഭാഗത്ത് നിന്ന് കുമ്പള ഭാഗത്തേക്ക് വരുന്നതിനിടയിൽ സംശയം തോന്നി തടഞ്ഞു നിർത്തി പരിശോധിച്ചപ്പോഴാണ് കഞ്ചാവ് കണ്ടെത്തിയതെന്ന് എക്‌സൈസ് അധികൃതർ പറഞ്ഞു.