ഉപ്പള(www.mediavisionnews.in): കാസര്‍കോട് ജില്ലയിലെ രണ്ട് പ്രമുഖ ഫുട്ബോള്‍ ക്ലബുകളായ സിറ്റിസണ്‍ ഉപ്പളയും മൊഗ്രാല്‍ ബ്രദര്‍സും തമ്മിലുള്ള ഐതിഹാസിക പോരാട്ടങ്ങളുടെ സ്മരണാര്‍ത്ഥം ഇരു ക്ലബും തമ്മില്‍ ഫുട്ബോള്‍ മത്സരം നടത്താന്‍ ധാരണയായി.
ഉപ്പള-മൊഗ്രാല്‍ കപ്പ് എന്ന പേരിലാണ് മത്സരം. സിറ്റിസണ്‍ ഉപ്പളയാണ് പ്രഥമ ഉപ്പള-മൊഗ്രാല്‍ കപ്പ് സ്ഘടിപ്പിക്കുന്നത്. ഉപ്പള മണ്ണംകുഴിയിലെ ഗോള്‍ഡന്‍ അബ്ദുല്‍ ഖാദര്‍ ഹാജി സ്റ്റേഡിയത്തില്‍ വെച്ച് ബുധനാഴ്ച (16.01.2018) വൈകിട്ട് 04:30 നാണ് മത്സരം. ഒരു വര്‍ഷം ഉപ്പളയിലും തൊട്ടടുത്ത വര്‍ഷം മൊഗ്രാലിലും എന്ന രീതിയിലാണ് മത്സരം. ഉപ്പളയില്‍ നടക്കുന്ന മത്സസരത്തോടനുബന്ധിച്ച് ഇരു ക്ലബുകളിലെയും പഴയകാല താരങ്ങളെ ആദരിക്കല്‍ ചടങ്ങും സംഘടിപ്പിക്കും.