മംഗളൂരു(www.mediavisionnews.in): ആയുധങ്ങളുമായി അധോലോകസംഘാംഗം പിടിയിൽ. മംഗളൂരു ഹൊയ്‌ഗെബസാർ ലക്ഷ്മി കൊമ്പൗണ്ടിൽ ഹേമന്ത്കുമാറിനെയാണ് (47) മംഗളൂരു സിറ്റി ക്രൈംബ്രാഞ്ച് അറസ്റ്റുചെയ്തത്. കൊറഗ വിശ്വനാഥ ഷെട്ടിയുടെ അധോലോക സംഘത്തിലെ അംഗമാണ് ഹേമന്തെന്ന് പോലീസ് പറഞ്ഞു. രണ്ട് പിസ്റ്റളുകൾ, നാല് വെടിയുണ്ടകൾ, രണ്ട് വാളുകൾ, രണ്ട് കത്തികൾ, ബേസ്‌ബോൾ സ്റ്റിക് എന്നിവ ഇയാളിൽനിന്ന് പിടിച്ചെടുത്തു. 2004-ൽ കദ്രി പാർക്കിനുസമീപം അനീഷ് ഷെട്ടിയെ കൊലപ്പെടുത്തിയ കേസിലെ പ്രതിയാണ് ഹേമന്ത്.