ഉപ്പള (www.mediavisionnews.in): ബൈക്കുകൾ കൂട്ടിയിടിച്ച് നാലുപേർക്ക് ഗുരുതര പരിക്ക്. ചൊവ്വാഴ്ച രാത്രി ഏഴു മണിക്ക് സോങ്കാലിൽ വെച്ചാണ് അപകടം. മംഗലാപുരം ആശുപത്രിയിൽ പ്രവേശിപ്പിച്ച രണ്ടു പേരുടെ നില അതീവ ഗുരുതരമായി തുടരുന്നു. മറ്റു രണ്ടുപേരെ മറ്റു ആശുപത്രികളിൽ പ്രവേശിപ്പിച്ചു.
ബായാർ സ്വദേശിയായ അസീം(20), സോങ്കാലിലെ അസീസ് (19) എന്നിവർക്കാണ് ഗുരുതര പരുക്ക്. പൂർണമായും തകർന്ന ബൈക്കുകൾ പോലീസ് സ്റ്റേഷനിലേക്ക് മാറ്റി. ബൈക്കുകളുടെ അമിത വേഗതയാണ് അപകടത്തിന് കാരണമെന്ന് നാട്ടുകാർ പറയുന്നു.