ബായാർ(www.mediavisionnews.in): മുജമ്മഉ സ്സഖാഫത്തി സുന്നിയയുടെ “ഹുബ്ബു്റസൂൽ” മീലാദ് കാമ്പയിനിന്റെ ഭാഗമായി കേരള മുസ്ലിം ജമാഅത്, എസ്.വൈ.എസ്, എസ്.എസ്.എഫിന്റെ അഭിമുക്യത്തിൽ വമ്പിച്ച മീലാദ് വിളംബര ഘോഷ യാത്ര നവംബർ 10 ശനിയാഴ്ച്ച ഉപ്പളയിൽ നടക്കുമെന്ന് ബന്ധപ്പെട്ടവര്‍ വാര്‍ത്താ സമ്മേളനത്തില്‍ അറിയിച്ചു.
ഉച്ചയ്ക്ക് 2 മണിക്ക് നിരവധി വാഹനങ്ങളുടെ അകമ്പടിയോടെ നേതാക്കളെ ബായാറിൽ നിന്നും മണ്ണംകുഴിയിലേക്ക് ആനയിക്കും. 4 മണിക്ക് മണ്ണംകുഴി മഖാം സിയാറത്തിന് സമസ്ത വൈസ് പ്രസിഡന്റ് താജുശ്ശരീഅ ശൈഖുനാ അലിക്കുഞ്ഞി ഉസ്താദ് നേതൃത്വം നൽകും. തടർന്ന് കേരള മുസ്ലിം ജമാഅത്ത്, എസ്.വൈ.എസ്, എസ്.എസ്.എഫ്‌,എസ്.ഏം.എ, ജമ്ഇയ്യത്തുൽ മുഅല്ലിമീൻ, ജില്ലാ , സോൺ, ഡിവിഷൻ, മേഖല സാരഥികൾ അണിനിരക്കുന്ന മീലാദ് ഘോഷ യാത്ര ആരംഭിക്കും.
ഉപ്പള ടൗണിൽ സമാപിക്കുന്ന ഘോഷ യാത്രയ്ക്ക് വിവിധ സ്ഥാപനങ്ങളിൽ നീന്നും പരിശീലനം സിദ്ധിച്ച അനവധി സ്കൗട്ട് കേഡറ്റുകളും ദഫ് സംഘങ്ങളും മാറ്റ് കൂട്ടും. അസ്സയ്യിദ് അബ്ദുൽ റഹ്‌മാൻ ഇമ്പിച്ചികോയ അൽബുഖാരി ബായാർ തങ്ങൾ, സമസ്ത കേന്ദ്ര മുശാവറ അംഗം ഷറഫുൽ ഉലമാ അബ്ബാസ് മുസ്‌ലിയാർ, അസ്സയ്യിദ് ആറ്റക്കോയ തങ്ങൾ ബാഹസൻ, അസ്സയ്യിദ് ജലാലുദ്ധീൻ അൽബുഖാരി, അസ്സയ്യിദ് മുഹ്‌സിൻ സൈദലവിക്കോയ അൽബുഖാരി കുഞ്ചിലം,ബി എസ് അബ്ദുല്ല കുഞ്ഞി ഫൈസി, പള്ളങ്കോട് അബ്ദുൽ ഖാദർ മദനി, ഹമീദ് മൗലവി ആലംപാടി, പാത്തൂർ മുഹമ്മദ് സഖാഫി, അബ്ദുൽ ഖാദിർ സഖാഫി കട്ടിപ്പാറ, അബ്ദുൽ ജബ്ബാർ സഖാഫി പാത്തൂർ, അശ്‌റഫ് സഅദി മല്ലൂർ തുടങ്ങിയവർ നേതൃത്വം നൽകും.
വാർത്താ സമ്മേളനത്തിൽ അബ്ദുൽ ജബ്ബാർ സഖാഫി, സിദ്ധീഖ് സഖാഫി ബായാർ, ഹമീദ് ഹാജി കല്പന, ഷാഫി സഅദി ഷിറിയ, എം.പി മുഹമ്മദ്, നിയാസ് സഖാഫി, മുസ്തഫ മുസ്‌ലിയാർ, അബ്ദുൽ റഹ്‌മാൻ മിൽമ എന്നിവർ സംബന്ധിച്ചു.