കൊച്ചി(www.mediavisionnews.in):ഇന്ത്യന്‍ സൂപ്പര്‍ ലീഗിന്റെ അഞ്ചാം സീസണില്‍ ഇതുവരെ ഫോം കണ്ടെത്താതിരിക്കുന്ന കേരള ബ്ലാസ്‌റ്റേഴ്‌സിനെതിരേ ആഞ്ഞടിച്ച് മുന്‍ ഇന്ത്യന്‍ താരം ഐഎം വിജയന്‍. ബെംഗളൂരു എഫ്‌സിയുമായി ഇന്നലെ നടന്ന മത്സരത്തില്‍ ഒന്നിനെതിരേ രണ്ട് ഗോളുകള്‍ക്ക് ബ്ലാസ്റ്റേഴ്സ് തോറ്റിരുന്നു. സീസണില്‍ ബ്ലാസ്റ്റേഴ്സിന്റെ ആദ്യ തോല്‍വിയാണിത്.
സ്വന്തം സ്‌റ്റേഡിയത്തില്‍ സ്വന്തം കാണികള്‍ക്ക് മുമ്പില്‍ ബ്ലാസ്റ്റേഴ്സ് പരാജയം ഏറ്റുവാങ്ങിയത് കാണികള്‍ക്ക് സങ്കടമുളവാക്കുന്ന കാര്യമാണ്. ആറ് മത്സരങ്ങള്‍ പൂര്‍ത്തിയായപ്പോള്‍ നാല് സമനിലയും ഒരു ജയവും ഒരു തോല്‍വിയുമാണ് ബ്ലാസ്റ്റേഴ്സിന്റെ സമ്പാദ്യം. ആദ്യ മത്സരത്തില്‍ എടികെയോട് ജയിച്ച ബ്ലാസ്റ്റേഴ്സ് പിന്നീടുള്ള മത്സരങ്ങളില്‍ സമനിലയും അവസാന മത്സരത്തില്‍ പരാജയവും നുണഞ്ഞു.
ആറ് മത്സരത്തിലും ബ്ലാസ്റ്റേഴ്സിന്റെ മത്സരത്തില്‍ ഒരു പുരോഗതിയുമില്ലെന്ന് തുറന്നടിച്ച വിജയന്‍ വ്യക്തമായ ഗെയിം പ്ലാന്‍ പോലുമില്ലെന്നും പറഞ്ഞു. പരിശീലകന്‍ ഡേവിഡ് ജെയിംസിനെതിരേ ടീമിന്റെ പ്രകടനത്തില്‍ വിമര്‍ശനങ്ങള്‍ ഉയരുന്ന സാഹചര്യത്തിലാണ് വിജയന്റെ പരാമര്‍ശം.
മീഡിയവിഷൻ ന്യൂസ് വാട്സാപ്പില്‍ ലഭിക്കാന്‍ 9895046567 എന്ന നമ്പര്‍ സേവ് ചെയ്തതിനുശേഷം നിങ്ങളുടെ പേര് ഈ നമ്പറിലേക്ക് വാട്സാപ്പ് മെസേജ് അയക്കൂ