കുമ്പള: എം.ഡി.എം.എ.യുമായി മൂന്നുപേർ കുമ്പള പോലീസിന്റെ പിടിയിലായി. മംഗൽപ്പാടി കയ്യാറിലെ മുഹമ്മദലി (27) പുത്തിഗെ മുഖാരിക്കണ്ടത്തെ ഉബൈദ്‌ (22) കയ്യാറിലെ അബ്ദുൾ റഹ്മാൻ (23) എന്നിവരാണ് അറസ്റ്റിലായത്. ഇവരിൽനിന്ന് 3.87 ഗ്രാം എം.ഡി.എം.എ. കണ്ടെടുത്തു. പുത്തിഗെ മുഖാരിക്കണ്ടത്തിൽ വെച്ചാണ് ഇവർ അറസ്റ്റിലായത്.ഞായറാഴ്ച വാഹന പരിശോധനയ്ക്കിടയിൽ കുമ്പള എ.എസ്.ഐ. കെ.ആർ. ഉമേഷിന്റെ നേതൃത്വത്തിലുള്ള പോലീസ് സംഘമാണ് അറസ്റ്റ് ചെയ്തത്. ഇവർ സഞ്ചരിച്ച കാർ കസ്റ്റഡിയിലെടുത്തു. പരിശോധനയിൽ സിവിൽ പോലീസ് ഓഫീസർമാരായ വിപിൻകുമാർ, അനൂപ്, കൃഷ്ണപ്രസാദ്, സുരേഷ് എന്നിവർ പങ്കെടുത്തു. തിങ്കളാഴ്ച പ്രതികളെ കോടതിയിൽ ഹാജരാക്കും