മുംബൈ: പ്രവാസികള് ഇന്ത്യയിലേക്കയക്കുന്ന പണത്തില് ഈ വര്ഷം 12.3 ശതമാനം വളര്ച്ചയെന്ന് ലോകബാങ്കിന്റെ അവലോകന റിപ്പോര്ട്ട്. 2023-ല് ആകെ 12,500 കോടി ഡോളര് (ഏകദേശം 10.38 ലക്ഷം കോടി രൂപ) ഇത്തരത്തില് ഇന്ത്യയിലേക്കെത്തുമെന്നാണ് അനുമാനം. ഇന്ത്യയുടെ മൊത്തം ആഭ്യന്തരോത്പാദനത്തിന്റെ (ജി.ഡി.പി.) 3.4 ശതമാനംവരുന്ന തുകയാണിത്. 2022-ല് ആകെ 11,122 കോടി ഡോളറാണ് ഇത്തരത്തില് പ്രവാസികള് രാജ്യത്തേക്കയച്ചത്. അതായത്, ഏകദേശം ഒമ്പതുലക്ഷം കോടിയിലധികം രൂപ.