അത്ഭുതമൊന്നും സംഭവിച്ചില്ല, പാകിസ്താൻ പുറത്ത്; സെമിയിലെ ഇന്ത്യയുടെ എതിരാളികളായി ന്യൂസിലാൻഡ്

ആദ്യ സെമിയിൽ ആതിഥേയരായ ഇന്ത്യയെയാണ് ന്യൂസിലാൻഡ് നേരിടുക. നവംബർ 15 ന് ഉച്ചയ്ക്ക് രണ്ട് മണിക്ക് മുംബൈ വാംഖെഡെ സ്റ്റേഡിയത്തിലാണ് മത്സരം. 2019 ലോകകപ്പിൽ ഇന്ത്യയെ സെമിയിൽ ന്യൂസിലാൻഡ് പരാജയപ്പെടുത്തിയിരുന്നു.

രണ്ടാം സെമി നവംബർ 16 നാണ്. അഞ്ചുതവണ ലോകചാമ്പ്യന്മാരായ ഓസ്ട്രേലിയ ഇതുവരെ കിരീടത്തിൽ മുത്തമിടാനാകാത്ത നിരാശയിലുള്ള ദക്ഷിണാഫ്രിക്കയെ നേരിടും. ഫൈനലിൽ എത്താനായാൽ ദക്ഷിണാഫ്രിക്കയ്ക്ക് ചരിത്ര മുഹൂർത്തമാണ്.

കൊൽക്കത്തയിലെ ഈഡൻ ഗാർഡൻസ് സ്റ്റേഡിയത്തിൽ ഉച്ചയ്ക്ക് 2 മണിക്കാണ് ഓസ്‌ട്രേലിയ-ദക്ഷിണാഫ്രിക്ക മത്സരം. ഫൈനൽ നവംബർ 19 ശനിയാഴ്ച ഉച്ചയ്ക്ക് രണ്ട് മണിക്ക് അഹമ്മദാബാദിലെ നരേന്ദ്ര മോഡി സ്റ്റേഡിയത്തിലാണ്.