കരിപ്പൂര്: കസ്റ്റംസിനെ വെട്ടിച്ച് കരിപ്പൂര് വിമാനത്താവളം വഴി കടത്തിയ 966 ഗ്രാം സ്വര്ണം പോലീസ് പിടികൂടി. കുവൈത്തില്നിന്ന് കരിപ്പൂരിലെത്തിയ മലപ്പുറം വേങ്ങര സ്വദേശി സാലി(28)മിനെയാണ് സ്വര്ണവുമായി വിമാനത്താവളത്തിന് പുറത്തുവെച്ച് പോലീസ് അറസ്റ്റ് ചെയ്തത്. കാപ്സ്യൂള് രൂപത്തിലാക്കി ശരീരത്തിനുള്ളില് ഒളിപ്പിച്ചാണ് പ്രതി സ്വര്ണം കടത്തിയതെന്നും പിടിച്ചെടുത്ത സ്വര്ണത്തിന് 58.85 ലക്ഷം രൂപ വിലവരുമെന്നും പോലീസ് പറഞ്ഞു.