കാസര്‍കോട്: 48 ഗ്രാം ഹാഷിഷ് ഓയിലുമായി യുവാവിനെ മഞ്ചേശ്വരം പൊലീസ് അറസ്റ്റു ചെയ്തു. കുമ്പള, കുണ്ടങ്കേരടുക്ക സ്വദേശി അഫ്‌സലി (29)നെയാണ് മഞ്ചേശ്വരം പൊലീസ് ഇന്‍സ്‌പെക്ടര്‍ ഇ. അനൂബ് കുമാറിന്റെ നേതൃത്വത്തില്‍ അറസ്റ്റു ചെയ്തത്. പട്രോളിംഗ് നടത്തുന്നതിനിടയില്‍ വ്യാഴാഴ്ച രാത്രി 11 മണിയോടെ ഉപ്പള സോങ്കാല്‍ ജുമാമസ്ജിദിനു സമീപത്തു സംശയാസ്പദ സാഹചര്യത്തില്‍ കാണപ്പെട്ട അഫ്‌സലിനെ കസ്റ്റഡിയിലെടുത്ത് ദേഹപരിശോധന നടത്തിയപ്പോഴാണ് ഹാഷിഷ് ഓയില്‍ കണ്ടെത്തിയതെന്നു പൊലീസ് പറഞ്ഞു. അഫ്‌സലിനെതിരെ മറ്റു കേസുകള്‍ ഉണ്ടോയെന്നു പരിശോധിച്ചു വരികയാണെന്നു പൊലീസ് പറഞ്ഞു.