മംഗളൂരു : കഞ്ചാവ് എത്തിച്ച് വീട്ടിൽ വിൽപന നടത്തിയ ദമ്പതിമാരെ പോലീസ് അറസ്റ്റ് ചെയ്‌തു. കുന്ദാപുര ഉദയനഗര സ്വദേശികളായ നസറുല്ല ഖാൻ (40), ഭാര്യ ഫാത്തിമ (33) എന്നിവരെയാണ് റൂറൽ കണ്ടലൂർ പോലീസ് അറസ്റ്റ് ചെയ്തത്.
ഗുൽവാടിയിലെ വീട്ടിലായിരുന്നു കഞ്ചാവ് വിൽപന. ഇവിടെനിന്ന് അഞ്ച് പാക്കറ്റുകളിലായി 6.43 ലക്ഷം രൂപ വിലമതിക്കുന്ന 8.37 കിലോ കഞ്ചാവ് പോലീസ് പിടികൂടി. ഹസൈനാർ എന്നയാളാണ് കഞ്ചാവ് എത്തിച്ചു നൽകുന്നതെന്ന് പ്രതികൾ മൊഴി നൽകി.