ന്യൂഡല്ഹി: 2023-24 സാമ്പത്തിക വര്ഷം ഇന്ത്യയില് ഏറ്റവുംകൂടുതല് ആധായനികുതി അടച്ച ക്രിക്കറ്റ് താരം വിരാട് കോലിയെന്ന് റിപ്പോര്ട്ട്. ഫോര്ച്യൂണ് ഇന്ത്യ പുറത്തുവിട്ട കണക്കുപ്രകാരം 66 കോടിയാണ് കോലി കഴിഞ്ഞ സാമ്പത്തിക വര്ഷം നികുതിയായി അടച്ചത്. മുന് ഇന്ത്യന് ക്യാപ്റ്റന് എം.എസ് ധോനിയാണ് രണ്ടാം സ്ഥാനത്ത്. 38 കോടി രൂപയാണ് ധോനി നികുതിയടച്ചത്. ക്രിക്കറ്റ് ഇതിഹാസം സച്ചിന് തെണ്ടുല്ക്കര് 28 കോടി നികുതിയായി അടച്ച് മൂന്നാം സ്ഥാനത്തുണ്ട്.