ഇന്ത്യ ക്രിക്കറ്റ് ലോകകപ്പ് ഫൈനലില്‍ പരാജയപ്പെട്ടതിന് പിന്നാലെ ‘വലിയ വാഗ്ദാനം’ ചെയ്ത തെലുങ്ക് നടി ദുഃഖം പങ്കുവച്ച് രംഗത്ത്. ഇന്ത്യയുടെ തോല്‍വി ഹൃദയം തകര്‍ന്ന പോലെയാണെന്ന് നടി രേഖ ഭോജ് പറഞ്ഞു. എങ്കിലും എന്റെ ഭാരതം മഹത്തരമാണ്. ടൂര്‍ണമെന്റില്‍ ഉടനീളം മികച്ച പ്രകടനം കാഴ്ചവച്ചു. ജയ്ഹിന്ദ്’ എന്നാണ് രേഖ ഭോജ് തന്റെ സമൂഹമാധ്യമ കുറിപ്പിലൂടെ വെളിപ്പെടുത്തിയത്.
ഇന്ത്യ ക്രിക്കറ്റ് ലോകകപ്പ് നേടിയാല്‍ വിശാഖപട്ടണത്തെ ബീച്ചിലൂടെ നഗ്‌നയായി ഓടുമെന്നു കഴിഞ്ഞ ദിവസം രേഖ ഭോജ് പറഞ്ഞിരുന്നു. ഫെയ്‌സ്ബുക് പോസ്റ്റിലൂടെയായിരുന്നു നടിയുടെ പ്രഖ്യാപനം. ഇതിനെതിരെ സമിശ്ര പ്രതികരണം പുറത്തുവന്നതിന് പിന്നാലെയാണ് നടിയുടെ പുതിയ കുറിപ്പ് എത്തിയത്. ഇന്ത്യന്‍ ടീമിനോടുള്ള സ്‌നേഹവും ആരാധനയും പ്രകടിപ്പിക്കാനാണു ശ്രമിച്ചതെന്നു രേഖ വ്യക്തമാക്കി.
ഓസ്‌ട്രേലിയുമായുള്ള ഫൈനല്‍ മത്സരത്തില്‍ ആറു വിക്കറ്റിനാണ് ഇന്ത്യ തോറ്റത്.
ഇന്ത്യ മുന്നോട്ടുവെച്ച 241 റണ്‍സ് വിജയലക്ഷ്യത്തിലേക്ക് ബാറ്റേന്തിയ ഓസീസ് 43 ഓവറില്‍ നാല് വിക്കറ്റ് മാത്രം നഷ്ടപ്പെടുത്തി ലക്ഷ്യം മറികടന്നു. സെഞ്ച്വറി നേടിയ ട്രാവിസ് ഹെഡാണ് ഓസീസിന്റെ വിജയശില്പി.
ഹെഡ് 120 ബോളില്‍ 4 സിക്സിന്റെയും 15 ഫോറിന്റെയും അകമ്പടിയില്‍ 137 റണ്‍സ് എടുത്തു. മാര്‍ണസ് ലബുഷെയ്ന്‍ അര്‍ദ്ധ സെഞ്ച്വറി നേടി 58 റണ്‍സെടുത്ത് പുറത്താകാതെ നിന്നു. ഡേവിഡ് വാര്‍ണര്‍ 7, മിച്ചെല്‍ മാര്‍ഷ് 15, സ്റ്റീവ് സ്മിത്ത് 4 എന്നിങ്ങനെയാണ് മറ്റുള്ളവരുടെ പ്രകടനം. ഇന്ത്യയ്ക്കായി ജസ്പ്രീത് ബുംറ രണ്ടും മുഹമ്മദ് ഷമി,മുഹമ്മദ് സിറാജ് എന്നിവര്‍ ഒരോ വിക്കറ്റു വീതവും വീഴ്ത്തി.
ടോസ് നഷ്ടപ്പെട്ട് ബാറ്റിംഗിന് ഇറങ്ങിയ ഇന്ത്യക്ക് നിശ്ചിത ഓവറില്‍ 10 വിക്കറ്റ് നഷ്ടത്തില്‍ 240 റണ്‍സ് മാത്രമാണ് നേടാനായത്. കളം നിറഞ്ഞ് കളിച്ച ഓസ്ട്രേലിയന്‍ ബോളറുമാരും ഫീല്‍ഡറുമാരും ചേര്‍ന്നപ്പോള്‍ ഇന്ത്യക്ക് ഉത്തരം ഇല്ലാതെ ആയി.
കൃത്യമായ ഗെയിം പ്ലാനിലാണ് ഓസ്‌ട്രേലിയ കളത്തില്‍ ഇറങ്ങിയത്. ആക്രമണ ബാറ്റിംഗിന് മിടുക്കനായ രോഹിത്തിന്റെ സോണുകളില്‍ എല്ലാം ഫീല്‍ഡറുമാരെ പ്ലേസ് ചെയ്ത തന്ത്രം മാത്രമെ ആയിരുന്നില്ല ഗില്ലിനെ അവര്‍ കൃത്യമായ സമ്മര്‍ദ്ദത്തില്‍ ആക്കുകയും ചെയ്തു, എന്നാല്‍ സമ്മര്‍ദ്ദ പൂട്ട് പൊളിച്ച രോഹിത് ബൗണ്ടറികളും സിക്സും നേടി തുടങ്ങിയതോടെ ആരാധകര്‍ ആവേശത്തിലായി. ഇതിനിടയില്‍ സ്‌കോര്‍ ബോര്‍ഡില്‍ 30 റണ്‍ നില്‍ക്കെ സ്റ്റാര്‍ക്കിന് ഇരയായി ഗില്‍ (4) മടങ്ങി. ശേഷം കോഹ്ലി ക്രീസില്‍ എത്തിയതോടെ മനോഹരമായ രീതിയില്‍ തന്നെ ആ കൂട്ടുകെട്ട് മുന്നേറി.
രോഹിത് യദേഷ്ടം മുന്നേറിയപ്പോള്‍ കോഹ്ലി മനോഹരമായി അദ്ദേഹത്തെ പിന്തുണച്ചു. ഇതിനിടയില്‍ ആയിരുന്നു മാക്‌സ്വെല്ലിനെ തുടര്‍ച്ചയായ പന്തുകളില്‍ സിക്‌സിനും ഫോറിനും പറത്തിയ രോഹിത്തിന് മൂന്നാം പന്തില്‍ പിഴച്ചത്. മറ്റൊരു സിക്‌സിന് ശ്രമിക്കുക ആയിരുന്ന താരത്തിന് പിഴച്ചപ്പോള്‍ അത് മാക്സ്വെല്‍ എടുത്ത വിക്കറ്റ് എന്നതിനേക്കാള്‍ ഉപരി ക്യാച്ച് എടുത്ത ട്രാവിസ് ഹെഡിന്റെ വിക്കറ്റ് ആയിരുന്നു അത്. പുറകിലേക്കു ഓടിയെടുത്ത ആ ക്യാച്ചിന് അത്രത്തോളം വിലയുണ്ടെന്ന് ഓസ്ട്രേലിയക്ക് ഉറപ്പായിരുന്നു. 47 റണ്‍ എടുത്ത രോഹിത് പുറത്താകുമ്പോള്‍ സ്റ്റേഡിയം നിശബ്ധമായി. ഈ ടൂര്‍ണമെന്റില്‍ മനോഹരമായ ഫോമില്‍ കളിച്ച ശ്രേയസ് അയ്യര്‍ വന്ന പോലെ തന്നെ കമ്മിന്‍സിന് ഇരയായി മടങ്ങിയപ്പോള്‍ അദ്ദേഹം എടുത്തത് 4 റണ്‍സ് മാത്രം. അതോടെ ഓസ്‌ട്രേലിയ പിടിമുറുക്കി.ശേഷം ക്രീസില്‍ ഉറച്ച കോഹ്ലി- രാഹുല്‍ സഖ്യം കുറെ നേരം ക്രീസില്‍ നിന്നെങ്കിലും കൂടുതല്‍ ഒന്നും ചെയ്യാന്‍ ആയില്ല. കോഹ്ലി (54) അര്ധ സെഞ്ച്വറി പിന്നിട്ട ശേഷം മടങ്ങി. കമ്മിന്‍സിന്റെ പന്തില്‍ കോഹ്ലി പുറത്താകുമ്പോള്‍ സ്റ്റേഡിയം നിശബ്ദമായി. പിന്നെ എത്തിയ ജഡേജ (9) ഒന്നും ചെയ്യാനാകാതെ മടങ്ങി. ശേഷം രാഹുല്‍ 66 ( 107 ) ഒരു ടെസ്റ്റ് ഇന്നിങ്‌സിന് തുല്യമായ കളിച്ച ശേഷം മടങ്ങി. സൂര്യകുമാര്‍ യാദവ് 18 , ഷമി 6 , ബുംറ 1 എന്നിവരും നിരാശപ്പെടുത്തി.ഓസ്ട്രേലിയ്ക്കായി സ്റ്റാര്‍ക്ക് മൂന്നും ജോഷ് ഹേസല്‍വുഡ്, കമ്മിന്‍സ് എന്നിവര്‍ രണ്ടും മാക്സ്വെല്‍ സാംബ എന്നിവര്‍ ഒരു വിക്കറ്റും വീഴ്ത്തി.