ചെന്നെെ: ഇളയ ദളപതി വിജയ്‌യെ കേന്ദ്രകഥാപാത്രമാക്കി ലോകേഷ് കനകരാജ് സംവിധാനം ചെയ്ത ലിയോയുടെ ട്രെയിലർ ഇന്ന് വെെകിട്ട് 6.30നാണ് പുറത്തിറങ്ങിയത്. ചിത്രത്തിന്റെ ട്രെയിലർ പ്രദർശിപ്പിച്ച തിയേറ്റർ ആരാധകരുടെ ആവേശത്തിൽ കനത്ത നാശനഷ്ടം ഉണ്ടായ വാർത്തകളാണ് ഇപ്പോൾ പുറത്തുവരുന്നത്. ചെന്നെെയിലെ രോഹിണി തിയേറ്ററാണ് ആരാധകർ തകർത്തത്.
ഇതിന്റെ ചിത്രങ്ങളും വീഡിയോയും പുറത്തുവന്നിട്ടുണ്ട്. സീറ്റുകളിൽ ഭൂരിഭാഗവും ഉപയോഗശൂന്യമായിട്ടുണ്ട്. വിജയ് ചിത്രങ്ങളുടെ ട്രെയിലർ ഫാൻസ് ഷോകൾ സംഘടിപ്പിക്കുന്ന തിയേറ്ററുകളിൽ പ്രധാനമാണ് ചെന്നെെയിലെ രോഹിണി സിൽവർ സ്‌ക്രീൻ. വെെകിട്ട് ലിയോയുടെ ട്രെയിലറിന് മുൻപ് തന്നെ തിയേറ്റർ പരിസരത്ത് വിജയ് ആരാധകരെക്കൊണ്ട് നിറഞ്ഞിരുന്നു. തമിഴ്നാട്ടിലെ മറ്റ് പല തിയേറ്ററുകളിലും കേരളത്തിലെ പാലക്കാട്ടും ട്രെയിലർ ഫാൻസ് ഷോകൾ നടന്നിരുന്നു. എന്നാൽ അവിടെനിന്നൊന്നും ഇത്തരം സംഭവം റിപ്പോർട്ട് ചെയ്തിട്ടില്ല.
അതേസമയം, ആരാധകർ കാത്തിരുന്ന പോലെ ഒരു കിടിലൻ ആക്ഷൻ ചിത്രമാണ് ലിയോയെന്ന് ട്രെയിലറിൽ വ്യക്തമാണ്. ചിത്രത്തിൽ ലിയോ ദാസായാണ് വിജയ് എത്തുന്നു. തൃഷ, സഞ്ജയ് ദത്ത്, അർജുൻ സർജ, ഗൗതം മേനോൻ, മിഷ്കിൻ, മാത്യു തോമസ്, മൻസൂർ അലിഖാൻ, പ്രിയ ആനന്ദ്, സാൻഡി, ജനനി, അഭിരാമി വെങ്കിടാചലം, ബാബു ആന്റണി തുടങ്ങിയവരാണ് ചിത്രത്തിലെ മറ്റു താരങ്ങൾ.
സംഗീതം അനിരുദ്ധ് രവിചന്ദർ.ഛായാഗ്രഹണം മനോജ് പരമഹംസ, ആക്ഷൻ അൻപറിവ്, എഡിറ്റിംഗ് ഫിലോമിൻ രാജ്, സെവൻ സ്‌ക്രീൻ സ്റ്റുഡിയോ, ദി റൂട്ട് എന്നിവയുടെ ബാനറുകളിൽ ലളിത് കുമാറും ജഗദീഷ് പളനിസാമിയും ചേർന്നാണ് നിർമ്മാണം. ഒക്ടോബർ 19ന് ചിത്രം ലോകവ്യാപകമായി തിയേറ്ററുകളിലെത്തും. ശ്രീ ഗോകുലം മൂവിസിന് വേണ്ടി ഗോകുലം ഗോപാലനാണ് കേരളത്തിലെ വിതരണാവകാശം.
Theatre ah salli Salliya ipdi Norukkiteeengale 😭
Pathetic behaviour by such Fans.
Theatre owners take so much efforts to engage & arrange such celebration events.Seeing this with so much pain 💔
This is going to cost them a lot now 😓pic.twitter.com/rM7adsxYSJ— Chennai Theatres (@TheatresChennai) October 5, 2023
Chennai Rohini after #Leo trailer celebration…pic.twitter.com/4MIXcFJXJK
— AB George (@AbGeorge_) October 5, 2023