മുതല കടിച്ചെടുത്ത് നദിയിലേക്ക് മറഞ്ഞു; ഫുട്ബാൾ താരത്തിന് ദാരുണാന്ത്യം

ആളുകൾ നോക്കിനിൽക്കെയാണ് താരത്തെ കടിച്ചുവലിച്ച് മുതല നദിയിലേക്ക് മറഞ്ഞത്. നദിയിൽ മുതലകളുടെ സാന്നിധ്യം സ്ഥിരീകരിച്ചതോടെ ഇവിടേക്ക് സഞ്ചാരികളെ കടത്തിവിട്ടിരുന്നില്ല. മുതലയെ വെടിവെച്ച് കൊന്നാണ് താരത്തിന്‍റെ മൃതദേഹം വീണ്ടെടുത്തത്. അഗാധമായ ദുഃഖത്തോടെയാണ് ഞങ്ങളുടെ പ്രിയതാരം ജീസസ് ലോപ്പസ് ഒർട്ടിസിന്റെ മരണം ഞങ്ങൾ അറിയിക്കുന്നതെന്ന് ക്ലബ് പ്രസ്താവനയിൽ അറിയിച്ചു.

‘ഇന്ന് ഞങ്ങൾക്കെല്ലാവർക്കും വളരെ പ്രയാസമുള്ളൊരു ദിവസമാണ്, ഒരു പരിശീലകൻ, കളിക്കാരൻ, ഒരു കുടുംബാംഗം എന്നീ നിലകളിൽ ഞങ്ങൾ നിങ്ങളെ ഓർക്കും. എപ്പോഴും ഞങ്ങളുടെ ഹൃദയത്തിലുണ്ടാകും’ -പ്രസ്താവനയിൽ പറയുന്നു.