സെന്‍റ് കിറ്റ്‌സ്: ലോകത്തെ ഏറ്റവും മികച്ച ട്വന്‍റി 20 ലീഗായ ഐപിഎല്ലില്‍ നിന്ന് വിരമിച്ച താരമാണ് വിന്‍ഡീസിന്‍റെ കീറോണ്‍ പൊള്ളാര്‍ഡ്. മുംബൈ ഇന്ത്യന്‍സ് ചരിത്രത്തിലെ ഏറ്റവും പ്രഹരശേഷിയുള്ള ഫിനിഷര്‍ എന്ന വിശേഷണമാണ് പൊള്ളാര്‍ഡിനുള്ളത്. മുംബൈയിലെ ഐതിഹാസിക കരിയറിന് 2022 നവംബറില്‍ വിരാമമിട്ട പൊള്ളാര്‍ഡ് പിന്നീട് ഫ്രാഞ്ചൈസിയുടെ ബാറ്റിംഗ് പരിശീലകനായി. ഐപിഎല്ലില്‍ നിന്ന് വിരമിച്ചെങ്കിലും കരീബിയന്‍ പ്രീമിയര്‍ ലീഗില്‍ ഇപ്പോഴും പൊള്ളാര്‍ഡ് സജീവമാണ്. സജീവമാണ് എന്ന് മാത്രമല്ല, ബാറ്റ് കൊണ്ട് പഴയ പ്രതാപത്തിലാണ് താരം ഇപ്പോഴും.