ധാരാളം പോഷകഗുണങ്ങൾ അടങ്ങിയ ഭക്ഷണമാണ് തെെര്. മൊത്തത്തിലുള്ള കുടലിന്റെ ആരോഗ്യം മെച്ചപ്പെടുത്തുന്നത് മുതൽ ശരീരഭാരം കുറയ്ക്കാൻ സഹായിക്കുക, പ്രതിരോധശേഷി വർധിപ്പിക്കുക എന്നിവയ്ക്കെല്ലാം തെെര് ഫലപ്രദമാണ്.
മറ്റ് പാലുൽപ്പന്നങ്ങളെപ്പോലെ തൈരിലും കാൽസ്യം അടങ്ങിയിട്ടുണ്ട്. ഇത് എല്ലുകളും പല്ലുകളും ശക്തിപ്പെടുത്തുന്നതിൽ പ്രധാന പങ്ക് വഹിക്കുന്നു. അസ്ഥികളുടെ വളർച്ചയെ പ്രോത്സാഹിപ്പിക്കുന്നതിന് കാൽസ്യവുമായി സംയോജിപ്പിക്കുന്ന ഫോസ്ഫറസും ഇതിൽ അടങ്ങിയിട്ടുണ്ട്. തൈര് പതിവായി കഴിക്കുന്നത് സന്ധിവാതം, ഓസ്റ്റിയോപൊറോസിസ് തുടങ്ങിയ രോഗങ്ങൾ തടയാൻ സഹായിക്കും.
ഉത്കണ്ഠയും സമ്മർദ്ദവും കുറയ്ക്കാൻ തെെര് സഹായകമാണ്. ഗട്ട് മൈക്രോബയോം മാനസികാരോഗ്യത്തിൽ ഒരു പ്രധാന പങ്ക് വഹിക്കുന്നു. തൈരിൽ അടങ്ങിയിരിക്കുന്ന പ്രോബയോട്ടിക്സ് ശരീരത്തിലെ സൗഹൃദ ബാക്ടീരിയകളെ വർദ്ധിപ്പിക്കുകയും അതുവഴി സമ്മർദ്ദത്തിൽ നിന്ന് ഒഴിവാക്കുകയും ചെയ്യുന്നു. ദിവസവും തെെര് കഴിക്കുന്നത് കുടൽ ബാക്ടീരിയകളെ നിയന്ത്രിക്കാൻ മാത്രമല്ല, സമ്മർദ്ദത്തെ ചെറുക്കാനും സഹായിക്കും.
ശരീരത്തിന്റെ ഒപ്റ്റിമൽ പ്രവർത്തനത്തിന് അത്യന്താപേക്ഷിതമായ അവശ്യ പോഷകങ്ങൾ അടങ്ങിയതാണ് തൈര്. പ്രോട്ടീൻ, കാൽസ്യം, വിറ്റാമിൻ ബി 12, പൊട്ടാസ്യം, മഗ്നീഷ്യം എന്നിവയാൽ സമ്പന്നമാണ് തെെര്. പൊട്ടാസ്യം, മഗ്നീഷ്യം എന്നിവ ഹൃദയാരോഗ്യം നിലനിർത്തുന്നതിനും രക്തസമ്മർദ്ദം നിയന്ത്രിക്കുന്നതിനും പ്രധാനമാണ്.
തൈരിൽ ധാരാളം കാൽസ്യം അടങ്ങിയിട്ടുണ്ട്. ശരീരത്തിൽ കോർട്ടിസോൾ രൂപപ്പെടുന്നത് തടയുന്നതിൽ കാൽസ്യം വളരെ പ്രധാനമാണ്. കാൽസ്യത്തിന്റെ അഭാവത്തിൽ കോർട്ടിസോളിന്റെ അസന്തുലിതാവസ്ഥ അനുഭവപ്പെടും, ഇത് സാധാരണയായി അമിതവണ്ണവും രക്തസമ്മർദ്ദവും പോലുള്ള പ്രശ്‌നങ്ങളിലേക്ക് നയിക്കുന്നു.
തൈര് മലവിസർജ്ജനം നിയന്ത്രിക്കാനും മലബന്ധം തടയാനും വയറിളക്കം കുറയ്ക്കാനും സഹായിക്കുന്നു. തൈര് പതിവായി കഴിക്കുന്നത് പോഷകങ്ങൾ ആഗിരണം ചെയ്യാനും കുടലിന്റെ മൊത്തത്തിലുള്ള ആരോഗ്യം വർദ്ധിപ്പിക്കാനും സഹായിക്കും.
തൈരിൽ ധാരാളം പ്രോട്ടീൻ അടങ്ങിയിട്ടുണ്ട്. ഇത് ദിവസം മുഴുവനും ഊർജത്തോടെയിരിക്കാനും വിശപ്പ് കുറയ്ക്കാനും സഹായിക്കുന്നു. പ്രോട്ടീന് ദഹിപ്പിക്കാൻ കൂടുതൽ ഊർജ്ജം ആവശ്യമാണ്. ഇത് ഉയർന്ന കലോറിയുടെ അളവ് കുറയ്ക്കുന്നു. കൂടാതെ, തൈരിലെ കാൽസ്യം ഉള്ളടക്കം ശരീരഭാരം കുറയ്ക്കുന്നതുമായി ബന്ധപ്പെട്ടിരിക്കുന്നു. കാരണം ഇത് കൊഴുപ്പ് ആഗിരണം കുറയ്ക്കാനും സഹായിക്കും.
ദിവസവും തൈര് കഴിക്കുന്നത് കൊറോണറി ഹൃദ്രോഗ സാധ്യത കുറയ്ക്കും. തൈര് കഴിക്കുന്നത് രക്താതിമർദ്ദം തടയുകയും മെച്ചപ്പെട്ട ഹൃദയാരോഗ്യം പ്രോത്സാഹിപ്പിക്കുകയും ചെയ്യും. തൈരിൽ വിറ്റാമിൻ ഇ, സിങ്ക്, ഫോസ്ഫറസ് തുടങ്ങിയ നിരവധി ധാതുക്കൾ അടങ്ങിയിട്ടുണ്ട്. ഇവയെല്ലാം നിറവും ചർമ്മത്തിന്റെ ഘടനയും മെച്ചപ്പെടുത്തുന്നതിൽ പങ്ക് വഹിക്കുന്നു.