‘യഥാർഥ പ്രശ്‌നത്തിൽനിന്ന് ശ്രദ്ധ തിരിക്കുന്നതിന് ഹിന്ദു-മുസ്ലിം വിദ്വേഷം പ്രചരിപ്പിക്കുന്നു’; ബി.ജെ.പിയെ കടന്നാക്രമിച്ച് രാഹുൽ ഗാന്ധി

ഇത് രണ്ടാം തവണയാണ് സോണിയ യാത്രയുടെ ഭാഗമാവുന്നത്. കർണാടകയിൽ നടന്ന മെഗാ കാൽനട യാത്രയിലാണ് സോണിയ ആദ്യമെത്തിയത്. ‘ഞാൻ 2,800 കിലോമീറ്റർ നടന്നു, പക്ഷേ ഒരു വിദ്വേഷവും കണ്ടില്ല, ഞാൻ ടി.വി തുറക്കുമ്പോൾ അക്രമമാണ് കാണുന്നത്’ -രാഹുൽ ഗാന്ധി പറഞ്ഞു.

മാധ്യമങ്ങൾ ഒരു സുഹൃത്താണ്, പക്ഷേ അത് ഒരിക്കലും നമ്മൾ പറയുന്നതിന്റെ യാഥാർഥ്യത്തെ കാണിക്കുന്നില്ല, കാരണം അതിന്‍റെ പിന്നാമ്പുറത്ത് ഗൂഢാലോചന നടക്കുകയാണ്…എന്നാൽ ഈ രാജ്യം ഒന്നാണ്, എല്ലാവരും സൗഹാർദത്തോടെ ജീവിക്കാൻ ആഗ്രഹിക്കുന്നുവെന്നും രാഹുൽ കൂട്ടിച്ചേർത്തു.

യാത്രക്ക് ശനിയാഴ്ച വൈകീട്ട് ചെങ്കോട്ടയിൽ താൽകാലിക വിരാമമാകും. ഒമ്പത് ദിവസത്തെ ഇടവേളക്കു ശേഷം ജനുവരി മൂന്നിനാണ് പിന്നീട് യാത്ര പുനരാരംഭിക്കുക.