ന്യൂഡൽഹി: അഞ്ചു വർഷത്തിനുള്ളിൽ കേന്ദ്ര സർക്കാർ 74 ടി.വി ചാനലുകൾ നിരോധിച്ചു. രണ്ടു വർഷത്തിനുള്ളിൽ 104 ഓൺലൈൻ വാർത്ത ചാനലുകളും നിരോധിച്ചുവെന്ന് വാർത്താവിതരണ പ്രക്ഷേപണ മന്ത്രി അനുരാഗ് ഠാകുർ രാജ്യസഭയിൽ അറിയിച്ചു. ഡോ. വി. ശിവദാസൻ എംപിയുടെ ചോദ്യത്തിനാണ് മന്ത്രി മറുപടി നൽകിയത്.
2018ൽ 23 , 2019ൽ 10 , 2020ൽ 12 , 2021ൽ 23 , 2022ൽ 6 എന്നിങ്ങനെയാണ് ടി.വി ചാനലുകൾ നിരോധിച്ചത്. അതേസമയം, 2021ൽ 20ഉം 2022ൽ 84ഉം ഓൺലൈൻ വാർത്താ ചാനലുകൾ നിരോധിച്ചു. ഈ രണ്ടു വർഷങ്ങളിൽ 25 വെബ്‌സൈറ്റുകൾക്കും പൂട്ടിട്ടു.