കൊതുകുതിരി സുരക്ഷിതമാണോ?

കൊതുക് കടിച്ചുണ്ടാകുന്ന ആരോഗ്യപ്രശ്നങ്ങളെ പേടിച്ച് കൊതുകുതിരി കത്തിച്ചു വക്കുന്നവരാണ് നമ്മളിൽ പലരും. കൊതുകുതിരിക്ക് പകരം മറ്റ് ഉപകരണങ്ങളും ഉപയോഗിക്കുന്നവരുണ്ട്. പഠനങ്ങള്‍ പ്രകാരം 100 സിഗരറ്റ് പുറന്തള്ളുന്ന പുകയാണ് എട്ട് മണിക്കുറിൽ ഒരു കൊതുകുതിരി പുറത്തുവിടുന്നത്. 50 സിഗരിറ്റിൽ അടങ്ങിയ വിഷാംശമാണ് എട്ട് മണിക്കുർ കൊണ്ട് ഒരു കൊതുകുതിരി പുറത്ത് തള്ളുന്നത്.

അല്ലിത്രിൻ, ഡൈബ്യൂട്ടെയിൽ ഹൈഡ്രോക്സി ടോളിവിൻ തുടങ്ങിയ നിരോധിച്ച രാസവസ്തുക്കള്‍ ഉപയോഗിച്ച് നിർമിക്കുന്ന ഇത്തരം കൊതുകു നിർമാർജന ഉൽപ്പന്നങ്ങള്‍ ഉപയോഗിക്കുന്നത് പല രോഗങ്ങള്‍ക്കും കാരണമാകും. അടച്ചിട്ട മുറിയിൽ എട്ട് മണിക്കൂറോളം തങ്ങി നിൽക്കുന്ന പുക കുട്ടികളിലടക്കം ഹൃദ്രോഗം,ആസ്മ എന്നിവക്ക് കാരണമാകുമെന്നാണ് ആരോഗ്യവിദഗ്ദനായ ഡാനിഷ് സലിം പറയുന്നത്. കൊതുകിനെ ഇല്ലാതാക്കാനുള്ള ആരോഗ്യകരമായ വഴികള്‍ എന്തൊക്കെയെന്ന് നോക്കാം.