ഷിംല: സ്വതന്ത്ര ഇന്ത്യയിലെ ആദ്യത്തെ വോട്ടര്‍ ശ്യാം സരണ്‍ നേഗി (106) അന്തരിച്ചു. ഹിമാചല്‍ പ്രദേശ് നിയമസഭാ തിരഞ്ഞെടുപ്പില്‍ പോസ്റ്റല്‍ വോട്ട് ചെയ്തതിന് പിന്നാലെയാണ് അന്ത്യം. നവംബര്‍ രണ്ടിനാണ് അദ്ദേഹം പോസ്റ്റല്‍ വോട്ടുചെയ്തത്. നവംബര്‍ 12-നാണ് ഹിമാചല്‍ പ്രദേശില്‍ വോട്ടെടുപ്പ്.
നേഗിയുടെ ശവസംസ്‌കാരം ഔദ്യോഗിക ബഹുമതികളോടെ നടത്തുമെന്നാണ് അധികൃതര്‍ വ്യക്തമാക്കിയിട്ടുള്ളത്. അവസാന കാലത്ത് ആരോഗ്യസ്ഥിതി മോശമായിരുന്നുവെങ്കിലും എല്ലാ തിരഞ്ഞെടുപ്പുകളിലും വോട്ട് രേഖപ്പെടുത്താന്‍ അദ്ദേഹം പ്രത്യേക താത്പര്യം പ്രകടിപ്പിച്ചിരുന്നു.