പതിവായ ഭക്ഷണം നൽകിയ വ്യക്തി മരിച്ചതറിയാതെ പൊതുദർശനത്തിൽ എത്തി എഴുന്നേൽപ്പിക്കാനുള്ള കുരങ്ങിന്റെ ശ്രമം ഇപ്പോൾ സോഷ്യൽമീഡിയയിൽ കണ്ണ് നിറയ്ക്കുന്നു. ശ്രീലങ്കയിലെ ബാട്ടിക്കലോവയിൽ നിന്നുള്ളതാണ് വേദന നിറയ്ക്കുന്ന ദൃശ്യം. പീതാംബരം രാജൻ എന്നയാളാണ് ഈ കുരങ്ങന് എന്നും ഭക്ഷണം നൽകിയിരുന്നത്.
56 വയസായിരുന്നു പ്രായം. മൃതദേഹം വീടിനുള്ളിൽ പൊതുദർശനത്തിനു വച്ചപ്പോഴാണ് കുരങ്ങൻ പിതാംബരന് അരികിൽ എത്തിയത്. മൃതദേഹത്തിനു സമീപത്തേക്ക് ചാടിക്കയറിയ കുരങ്ങൻ പീതാംബരത്തിന്റെ മുഖത്ത് കൈവച്ച് ശ്വാസമെടുക്കുന്നുണ്ടോയെന്നു നോക്കുകയും പിന്നീട് മുഖത്ത് തലോടിയും മറ്റും വിളിച്ചുണർത്താൻ ശ്രമിക്കുകയും ചെയ്യുകയായിരുന്നു.
ഈ കുരങ്ങന് പീതാംബരൻ കുറെ കാലമായി പതിവായി ആഹാരം നൽകിയിരുന്നു. ഇതാണ് പ്രിയപ്പെട്ട ആളെ അവസാനമായി കാണാൻ കുരങ്ങനും പാഞ്ഞെത്തിയത്. കുരങ്ങൻ ഏറെ നേരം പിതാംബരന്റെ മൃതദേഹത്തിനരികെ ഇരിക്കുന്നത് കണ്ടുനിന്നവരെയെല്ലാം കണ്ണീരിലാഴ്ത്തി.
A monkey pays tribute after the death of its feeding master in #Batticaloa
மட்டக்களப்பில் உணவு வழங்கிய எஜமான் உயிரிழந்ததையடுத்து அஞ்சலி செலுத்திய குரங்கு #lka #Srilanka pic.twitter.com/4ucQijenas
— Priyatharshan 🌏 (@priyatharshan1) October 19, 2022