റോഡുകളിലേക്ക് വാഹനവുമായി ഇറങ്ങുമ്പോള്‍ തന്നെ പലര്‍ക്കും പേടിയാണ്. എയര്‍ഹോണ്‍ നിയമപരമായി നിരോധിച്ചിട്ടുണ്ടെങ്കിലും നിരത്തുകളിലുള്ള ഒട്ടുമിക്ക സ്വകാര്യ ബസുകളിലും ലോറികളിലും ഇന്നും ഇത് ഉപയോഗിക്കുന്നുണ്ട്. ഇനി അഥവാ എയര്‍ഹോണ്‍ ഇല്ലെങ്കിലും വലിയ ശബ്ദമുള്ള മറ്റ് ഹോണുകള്‍ ഉറപ്പായും കാണും. ഇത് ഓട്ടോറിക്ഷ മുതല്‍ ബസുകള്‍ വരെ എല്ലാ വാഹനത്തിലുമുണ്ട്. എത്ര തിരക്കുള്ള റോഡിലും ചെറിയ വാഹനങ്ങളുടെ പിന്നിലെത്തി ഈ ഹോണടിച്ച് പേടിപ്പിക്കുന്നതാണ് പല ഡ്രൈവര്‍മാരുടെയും വിനോദം.