ക്ലീൻ കാസർകോട്: പോലീസ് നടപടി ശക്തമാക്കിയതോടെ ജില്ലയിലെ ജയിലുകൾ നിറഞ്ഞു

പോലീസ് മയക്കുമരുന്നുവേട്ട ശക്തമാക്കിയതോടെയാണ് ജയിലുകളിൽ നിൽക്കാനും ഇരിക്കാനും സ്ഥലമില്ലാതായത്. മയക്കുമരുന്ന് (എൻ.ഡി.പി.എസ്.) കേസിലെ പ്രതികൾ ആറുമാസം റിമാൻഡ് കാലാവധി പൂർത്തിയാക്കിയാൽ മാത്രമേ ജാമ്യാപേക്ഷ പോലും പരിഗണിക്കപ്പെടുകയുള്ളു. പരിമിതമായ സ്ഥലത്ത് ഏറിയ അളവിൽ തടവുകാരെ പാർപ്പിക്കുന്നത് ജയിൽ സുരക്ഷയെ ബാധിക്കാൻ സാധ്യതയുണ്ട്. താരതമ്യേന ചെറിയ കുറ്റകൃത്യങ്ങളിൽ പെട്ട് റിമാൻഡിൽ കഴിയുന്നവരും മയക്കുമരുന്ന് കേസിൽ റിമാൻഡിൽ കഴിയുന്നവരും അടുത്തിടപഴകുന്നത് കുറ്റകൃത്യങ്ങളുടെ വ്യാപനത്തിന് വഴിവെക്കുമെന്നും ആശങ്കയുണ്ട്.