കാസര്‍കോട്‌: ജില്ലയിലെ രണ്ടു പ്രധാന പുഴകളായ ഉപ്പള, ഷിറിയ പുഴകളിലെ ജലനിരപ്പ്‌ ഉയരുന്നു. പുഴകളുടെ വൃഷ്‌ടി പ്രദേശങ്ങളില്‍ കനത്ത മഴ തുടരുന്നതാണ്‌ ജലനിരപ്പ്‌ ഉയരാന്‍ ഇടയാക്കുന്നത്‌. പുഴയോര വാസികളോട്‌ ജാഗ്രതയ്‌ക്കു നിര്‍ദ്ദേശിച്ചിട്ടുണ്ട്‌. കാലവര്‍ഷക്കെടുതിയില്‍ രണ്ടുപേരുടെ മരണത്തിനു ഇടയാക്കിയ വെള്ളരിക്കുണ്ട്‌ താലൂക്കില്‍ ആരംഭിച്ച ദുരിതാശ്വാസ ക്യാമ്പുകള്‍ തുടരുന്നു. പതിനെട്ടോളം കുടുംബങ്ങളാണ്‌ ക്യാമ്പുകളിലുള്ളത്‌.